ბუფონი: ” რწმენა დავიბრუნეთ “

ბუფონმა ტრადიცია არ დაარღვია და გუშინდელ მატჩშიც შეუდარებელი იყო. იტალიელი მეკარე სიცილიელებთან შეხვედრას აფასებს: ” სამი სასიცოცხლო ქულა. ვაგრძელებთ “მილანთან” კონკურირებას და როგორც იქნა დავიბრუნეთ “პატარა” გუნდებთან ფრედ დასრულებული მატჩების გამო დაკარგული საკუთარი ძალების რწმენა. ბარიენტოსის გოლის დროს განვრისხდი, რადგან აქამდე უკვე ოთხჯერ მიეცათ ჩვენი კარისკენ დარტყმის უფლება. ჩანდა, რომ რაღაც ისე ვერ იყო, როგორც საჭიროა, შესაძლოა, კონცენტრაცია დაიკარგა ან ფსიქოლოგიური ფაქტორი იყო. თანაც ჩვენი მეტოქეები მხოლოდ დაცვაზე არ ფიქრობდნენ და სახიფათოდაც შეგვიტიეს რამდენჯერმე. ალმირონის ეპიზოდი ფსიქოლოგიური თვალსაზრისით ძალიან მნიშვნელოვანი იყო, მეკარემ ამ დროს უნდა იცოდეს, რა ქნას. რაც შეეხება “მილანს” ეს გუნდი ჩემპიონატში უძლიერესია, მაგრამ ჯერ არცერთ მატჩში არ გავსულვართ მოედანზე მსხვერპლების როლში და ამას არც 25 -ში გავაკეთებთ. უკვე ორჯერ შევძელით მათი დამარცხება და ამით პატივისცემა და რიდი მოვიპოვეთ. ასეა თუ ისე, ყველა მატჩი განსხვავებულია. “კატანიასთან” გამარჯვება მნიშვნელოვანი იყო, რადგან ყოველი სამი ქულა საკუთარი ძალების რწმენას გმატებს. ” -აცხადებს ბუფონი.

წყარო: “იუვენტუსის” ოფიციალური ვებ-გვერდი