კუალიარელა: ” ჩემი თამაშით კმაყოფილი ვარ “

ფაბიო კუალიარელა გუშინდელი გამარჯვებისა და მის მიერ გატანილი გოლის გამო საკმაოდ ბედნიერი ჩანდა. იტალიელმა ფორვარდმა სიცილიელთა კარში ბოლო, მესამე გოლის გატანა შეძლო და ამით საბოლოო წერტილი დასვა: ” ეს მესამე შემთხვევა იყო, როცა მატჩი ძირითად შემადგენლობაში დავიწყე და მეორე გოლის გატანა შევძელი, “ლეჩესთან” მატჩს, გულწრფელად გეუბნებით, არ ვთვლი (ყვრიმალის ძვალი გაიტეხა და იძულებითი შეცვლა გახდა საჭირო), საბოლოო ჯამში, კმაყოფილი ვარ. გატანილი გოლით ბედნიერი ვარ, მაგრამ ზოგადად თამაშსაც გამოვყოფდი, რადგან შევასრულე მწვრთნელის დავალებები და ბორიელოსთან საერთო ენის გამონახვას ვცდილობდი. უფრო მეტ დროს მეტოქეთა საჯარიმოში ვატარებ, მაგრამ წინა მაგალითებიდან ვსწავლობ და ვცდილობ უსარგებლო სირბილი მინიმუმამდე დავიყვანო. ამ მხრივ, გამოცდილება მნიშვნელოვანი ფაქტორია. რაც შეეხება სტორარის ეპიზოდს, სახის გამო ცოტა ვღელავდი, შემდეგ ტკივილი ვიგრძენი და ამიტომაც მოვიშორე მარკო. გასახდელში ბოდიში მოვუხადე და ისევ ჩავეხუტეთ ერთმანეთს. როგორც ჩვეულებრივ, ძალიან დიდი კონცენტრაციით ვემზადებით “მილანთან” მატჩისთვისაც. ძალიან საინტერესო შეხვედრა იქნება. “-აცხადებს კუალიარელა.

წყარო: “იუვენტუსის” ოფიციალური ვებ-გვერდი