კონტე: ” ვულოცავ ჩემს ბიჭებს “

ანტონიო კონტემ გუშინდელი მატჩის შემდგომ მეტოქეებს კარგი თამაში მიულოცა. 42 წლის სპეციალისტი ორ გაუქმებულ გოლზეც საუბრობს და რამდენიმე სიტყვით სათამაშო ასპექტებსაც ეხება: ” ყოჩაღ “მილანს”. 60 წუთის განმავლობაში უმაღლესი დონის ფეხბურთი აჩვენეს, დანაკლისის მიუხედავად, მოტივაციისა და სწრაფი ფეხბურთის საშუალებით უამრავლი პრობლემა შეგვიქმნეს. ამ ტემპის შენარჩუნება ძალიან ძნელი იყო, ცოტა ჩვენც გაგვიმართლა და თამაში შემოვაბრუნეთ. ვულოცავ ჩემს ბიჭებს, რომელთაც დიდი გულები აღმოაჩნდათ და გათანაბრება მოახერხეს. ისე კი, თამაშში კარგი საფეხბურთო ატმოსფერო ნამდვილად არ ყოფილა. სირცხვილია, მაგრამ ასეა, ბევრი რამ მოხდა, რასაც არაფერი აქვს ფეხბურთთან საერთო. იყო ტექნიკური შეცდომებიც, ერთი, როცა ბურთმა კარის ხაზი გადაკვეთა და მეორე, როცა მატრის ეპიზოდში მსაჯმა ალამი ასწია. “-აცხადებს კონტე.

წყარო: “იუვენტუსის” ოფიციალური ვებ-გვერდი