24 დარტყმა და 0 გოლი, გაძლიერებაა საჭირო!

კიდევ ერთი შესანიშნავი მატჩი, ნაჩვენები ბრწყინვალე ფეხბურთი და უკვე რიგით მერამდენე დაკარგული ქულები, 0-0. შემტევ ხაზში ნაჩვენები უსუსურობის გამო “იუვე” “მილანს” უკვე ოთხი ქულით ჩამორჩება და ეს მაშინ, როცა გუნდი 2011 წლის მაისის შემდეგ დაუმარცხებელია. მის უუნარობას უნდა დავაბრალოთ, რომ გუნდი რეალურად არსებულ უპირატესობას ვერაფრით იყენებს, თავდამსხმელები წყალს აყოლებენ შანსებს…

“სერია ა” -ში გამართულ 27 მატჩში “ბებერი სინიორა” 500 -ჯერ დაემუქრა მეტოქეთა კარებს, თუმცა ბურთი კარის ბადეში მხოლოდ 39 -ჯერ გაეხვია. ალესანდრო მატრის, ფაბიო კუალაირელას, მარკო ბორიელოს, მირკო ვუჩინიჩისა და ალესანდრო დელ პიეროს მიერ შექმნილმა თავდასხმამ სულ 16 -ჯერ იმარჯვა, როცა იბრაჰიმოვიჩმა 19-ჯერ, დი ნატალემ კი 18-ჯერ შეძლო თავის გამოჩენა. დასკვნების გამოტანა ადვილია.

თუმცა ამჟამად ანტონიო კონტეს არაფრის გაკეთება არ შეუძლია, ერთადერთი, რაც “იუვეს” დარჩა, ესაა დაელოდოს ზაფხულს და სატრანსფერო ფანჯრის სასარგებლოდ გამოყენება შეძლოს. უკვე დიდი ხანია “ბიანკონერების” სატრანსფერო ობიექტებზე იწერება პრესაში, ქვემოთ მათგან უმთავრეს კანდიდატურებს მიმოვიხილავთ.

“მონპელიეს” თავდამსხმელმა უკვე არაერთი კლუბის ყურადღება მიიპყრო. ფეხბურთელი შესანიშნავად გამოიყურება შიდა ჩემპიონატში და თანაც, ნაკრების მაისურით ჩატარებულ პირველივე შეხვედრაში შეძლო თავის გამოჩენა, გადაგზავნა რა ბურთი გერმანიის კარში.

ჟირომ ერთხელ უკვე აღნიშნა, რომ “ბაიერნის” მხრიდან არსებული ინტერესით ბედნიერია, თუმცა ის კიდევ სამი ფრანგული კლუბის ყურადღებას იქცევს. ამას წინათ, ჟურნალისტებთან საუბარში იტალიურ გუნდებზეც ჩამოაგდო სიტყვა: ” დიდ იტალიურ კლუბებს ყოველთვის ვანდევნებ თვალს. ისინი ხელახლა იბრუნებენ “ჩემპიონთა ლიგის” წამყვანი ძალების სტატუსს. ”

არგენტინელს გასულ ზაფხულსაც აკავშირებდნენ ტურინულ კლუბთან, ახლა კი, გავრცელებული ინფორმაციის თანახმად, “იუვენტუს სტედიუმზე” გადაბარგებასა და ბეპე მაროტასთან საუბარს თავად ფეხბურთელი ითხოვს.

“ახლა ჯერ ძალიან ადრეა, მაგრამ მაისის დასაწყისში “იუვენტუსის” ხელმძღვანელობასთან ტრანსფერის თაობაზე სიამოვნებით დავილაპარაკებდით. ” -განუცხადა tuttosport -ს ფეხბურთელის მამამ.

ასეა თუ ისე, იგუაინის “რეალთან” კონტრაქტი 2016 წელს ეწურება და მისნაირი ფორვარდის ჩანაცვლება არც მადრიდული კლუბისთვის იქნება ადვილი. სავარაუდოდ, “ბიანკონერებს” ფეხბურთელის სატრანსფერო ღირებულებაზე მეტის გადახდა მოუწევთ.

მუხლის იოგის ტრავმის შემდეგ დაბრუნებულმა იოვეტიჩმა 2011-2012 წლების სეზონი შესანიშნავად დაიწყო. გასული წლების წარუმატებლობების გამო ფინანსურად დაზარალებული “ფიორენტინა” სერბის მეშვეობით ხელის მოთბობას ეცდება.

სხვა ვარიანტებისგან განსხვავებით, იოვეტიჩისთვის ნომინალური პოზიცია ცენტრალური თავდასხმა სულაც არაა. ფეხბურთელის ერთ-ერთი უმთავრესი პლიუსი სისწრაფე და ტექნიკაა, უნარი, ზონებს შორის სივრცეების შექმნისა, ეს კი ახლანდელი “იუვესთვის” ნამდვილად ფუფუნებაა.

დღევანდელ საფეხბურთო სამყაროში არსებული ერთ-ერთ ყველაზე დიდ ტალანტად აღიარებული ეზეკიელ ლავეცი. არგენტინელი 2012 წელს “იუვენტუსის” ერთ-ერთ უმთავრეს მიზნად სახელდება.

ფეხბურთელმა გასულ წელს “ნაპოლის” გაუხსნა გზა ევროპული ფეხბურთისკენ და წელს მის ჯგუფიდან გასვლაშიც შეიტანა ლომის წილი. მისი საუკეთესო თვისება საშემსრულებლო ოსტატობა არაა, არგენტინელის უმთავრესი კოზირი მოედნის ბრწყინვალე ხედვა და ტექნიკური მონაცემებია. სხვა საკითხია, რამდენად შეელევა ნეაპოლი გაკერპებულ ფორვარდს.

რამირესმა “იუვენტუსის” ყურადღება განსაკუთრებით ბოლო პერიოდში მიიპყრო, ურუგვაელის აგენტი კი “იუვეს” აქტიურობისკენ მოუწოდებს და სხვა დაინტერესებული კლუბებით აშინებს.

იოვეტიჩისა და ლავეცის მსგავსად, არც ისაა ნომინალურად ცენტრალური ფორვარდი. ამ კუთხით “იუვენტუსს” სერიოზული დაფიქრება მოუწევს. რამირესი მომავლის პროექტია.

ის, რაც ახლა “იუვეს” სჭირდება საშემსრულებლო ოსტატობაა და ამ კუთხით, ჰოლანდიელს დღეს მხოლოდ რამდენიმე ფორვარდი თუ გაუტოლდება. გოლი ვან პერსის ჩემპიონატის თითქმის ყოველ შეხვედრაში გააქვს, 32 -ჯერ აღებული კარი 37 შეხვედრაში.

“ბიანკონერების” მთავარი პრობლემა არა იმდენად “არსენალის” პოზიცია, არამედ დაინტერესებული სხვა კლუბებია. ფინანსური თვალსაზრისით, “იუვეს” ისეთი გუნდებისთვის კონკურენციის გაწევა უეჭველად გაუჭირდება, როგორიც “მანჩესტერ სიტი” და მადრიდის “რეალია”. თუ თავდამსხმელს ძალების “სერია ა” -ში გამოცდა სურს, “მილანის” წინადადების განხილვაც მოუწევს, იმ შემთხვევაში, თუ, რა თქმა უნდა, “როსონერი” ყურადღებას ტევესზე არ გადაიტანს.

კრის ვოაკის სტატია