ბალოიტალია !!! ბალოიუვე ? ….

ტურინის ” იუვენტუსის ” ახალი თავდამსხმელი , ტოპ ფორვარდი , რომელზეც ამდენი ხანია იწერება უკვე , შესაძლოა მარიო ბალოტელი გახდეს . სუპერმარიო ! რომელმაც გუშინ იტალიის ნაკრებს ფინალის საგზური მოუპოვა , ჯუზეპე მაროტას ინტერესის ქვეშ არის მოქცეული . მიუხედავად იმისა თუ რა განაცხადა მისმა აგენტმა მინო რაიოლამ , ბიანკონერი დანებებას არ აპირებს და მზადაა რობერტო მანჩინის გუნდს 25 მილიონი ევრო შესთავაზოს , რაც ჟურნალისტების მოსაზრებით დააკმაყოფილებს იტალიელ სპეციალისტს . თავად ფეხბურთელს წლიური ანაზღაურება სიტიში , 3 მილიონი ევრო აქვს , მაროტა კი მზადაა 5 მილიონი ევრო , ხოლო მინო რაიოლას , მარიოს აგენტს საკმაოდ მიმზიდველი ბონუსი შესთავაზოს .  უახლოესი ერთი კვირის მანძილზე ამასთან დაკავშირებით გაცილებით ვრცელი ინფორმაცია გამოქვეყნდება … სხვა სატრანსფერო სიახლეებიდან გამოსარჩევია დესტროს , ჰუმელსის და მატრის გვარები …

საკმაოდ სენსაციური ინფორმაცია გავრცელდა გერმანიაში . კერძოდ დორტმუნდის ბორუსია მზადაა შეელიოს ჰუმელს , თუმცა მხოლოდ ერთი კონკრეტული ფეხბურთელის სანაცვლოდ : ” თუ იუვენტუსს ჰუმელსი სურს , ეს პრობლემას არ წარმოადგენს , თუმცა მათ სანაცვლოდ ალესანდრო მატრის დათმობა მოუწევთ ” – ჯუზეპე მაროტა და ფაბიო პარატიჩი ამას ნამდვილად არ ელოდნენ და მზად არიან მიუჯდნენ მოლაპარაკებების მაგიდას .

პლიუს ამასთან , პარარელურად გრძელდება ომარ ელ კადურის და მარკო ვერატის ტრანსფერებზე მუშაობა . ბიანკონერი მზადაა ახალგაზრდა იტალიელის სანაცვლოდ პესკარას ნიკოლა ლეალი შესთავაზოს , ოღონდ არა სრული გაყიდვით ან თუნდაც ნახევრით , საქმე უბრალო არენდას ეხება . რაც შეეხება ელ კადურის , იგი კარიერას პარმაში არ განაგრძობს გამომდინარე მისი სურვილიდან . ამაზე თავად მოკრძალებული კლუბის მმართველმა ტომაზო ჯირარდიმ განაცხადა . სავარაუდოდ ისინი სიმონე პადოინის  ან მარკო პაროლოს შეიძენენ .

კიდევ ერთი ფიგურა რომელმაც შესაძლოა პადოინთან ერთად დატოვოს ტურინი გახლავთ მარკო მოტა . აპენინური პრესის ინფორმაციით , ყველაზე ახლოს მცველის გადაბირებასთან ბოლონია არის , თუმცა ფიორენტინა და ატალანტა ყურადღებით აკვირდებიან მოვლენების განვითარებას .

ჯანლუკა დი მარციოს ინფორმაციით კი პოლ პოგბას პრეზენტაცია 1 ივლისს მოხდება . მისივე თქმით მანჩესტერ იუნაიტედი ერთ ევროსაც კი არ მიიღებს უნიჭიერესი ფეხბურთელის სანაცვლოდ .

და ბოლოს მატეა დესტრო . ახალგაზრდა ფეხბურთელის უმთავრესი სურვილია იასპარეზოს ტურინულ გრანდში , რომა და ინტერი უკვე ჩამოშორებულია მისი სურვილის გათვალისწინებით . ჯერი კლუბებზეა … შეგახსენებთ , რომ მოთამაშის უფლებათა პაკეტი ორი კლუბის ხელშია … ” სიენა ” და ” ჯენოა ” …

წყარო : Calcionews24, Tuttojuve, Tuttosport