ბონატინი – მორიგი ახალგაზრდა ტალანტი ტურინში ?

Observatorio do Esporte და Tuttosport – ის ინფორმაციით , ბიანკონერი მოლაპარაკებებს აწარმოებს ბრაზილიურ ” კრუზეიროსთან ” 17 წლის ტალანტის , ლეო ბონატინის თაობაზე , რომელსაც იტალიური ფესვები გააჩნია . ამ ინფორმაციას ახალგაზრდა მოთამაშის მამა ადასტურებს : ” 18 ივნისს განხორციელდა შეხვედრა , რომელშიც მონაწილეობას ვიღებდი მე , ლეო და ფიფას აგენტი მარიო მილე – სწორედ ამ უკანასკნელმა გაგვაცნო ” იუვენტუსის ” შემოთავაზება . შემდგომ გაიმართა შეხვედრა ” კრუზეიროს ” გენერალურ დირექტორთან როჟერ გარვალოსთან და ვიცე პრეზიდენტ მარსიო როდრიგესთან , რომლებიც საქმის კურსში იმყოფებიან ბიანკონერის მიერ შემოთავაზებულ წინადადებაზე .  ამის შემდეგ კიდევ ორი სხვადასხვა შეხვედრა შესდგა , სადაც ტურინელებმა კიდევ ერთხელ დაადასტურეს ფეხბურთელის გაფორმების დაუფარავი სურვილი . მოლაპარაკებები რეალურია და როდრიგესი უკვე იმყოფებოდა იტალიაში . იმედი მაქვს , რომ ჩემს შვილს საუკეთესო საგანმანათლებლო პროექტი და იდეალური გარემო ექნება კარიერის ასაწყობად ” .

წყარო : Tuttojuve