ბუფონი : ” დიდი ნაკრების წინააღმდეგ ვიასპარეზებთ ”

ბიანკონერის და სკუადრა აძურის პირველი ნომერი , ჟურნალისტებთან საუბრისას გამოტყდა , რომ იგივე გრძნობა დაეუფლა , როგორც 2006 წელს : ” ზუსტად იგივე გრძნობა დამეუფლა როგორც 2006 წელს , როდესაც გერმანიაში ტრიუმფალურად დავასრულეთ ასპარეზობა . როგორ დასრულდება ამჯერად ? დავიცადოთ ცოტახანი და ყველაფერს ვიხილავთ . თუმცა , როდესაც ასეთ დიდ ტურნირში იღებ მონაწილეობას , გრძნობ რომ რაღაცით ისინი ერთნაირია . რატომ ვთქვი ადრე , რომ ვერ მოვახერხებდით ევროპის ჩემპიონობას ? იმიტომ რომ იმ პერიოდისთვის არა ერთი გუნდი ვნახე , რომელიც უკეთესად იყო მომზადებული და გაცილებით პროდუქტიულ თამაშს ანახებდა . იცით მთავარი პრობლემა რა არის ? ერთ ერთ ასეთთან ხვალ გვიწევს ასპარეზობა . მატჩი 0-0 – იდან იწყება , ამიტომ ყველაფერი შესაძლებელია , რომ მოხდეს …

” ვის გამორჩევ მეტოქიდან ? მეკარიდან დაწყებული ფორვარდით დამთავრებული , ვარსკვლავთცვენაა ამიტომ უპატივცემლობა იქნებოდა ჩემი მხრიდან , ერთი კონკრეტული ვინმე გამომეყო . დღეისათვის ისინი დომინირებენ მთელს მსოფლიოში და სწორედ ამიტომ ვაქებ ესპანეთის ნაკრებს და ვამბობ , რომ უკეთესად არიან მომზადებულნი ვიდრე ჩვენ .

ერთი სიტყვით რომ ვთქვათ , ტურნირს იგებენ საუკეთესოები და ისინი ვისაც ტალანტი აქვს , ასეთად ესპანეთი მიმაჩნია . ჩვენი ნაკრები კი დაწყების წერტილიდან ყველას აკვირვებს და იმედი მაქვს ბოლოშიც ანალოგიურ გაკვირვებას ექნება ადგილი . მიუხედავად იმისა , რომ მსოფლიოს ოთხ გზის ჩემპიონები ვართ , კარგი იქნება ნერვებს მოვთოკავთ . ცვლილებების დროა . მწვრთნელმა ახალი გზა გვაჩვენა , ეს რომ არ ყოფილიყო გაცილებით გაგვირთულდებოდა სიცოცხლე .

იკერ კასილიასი ? დიდებული მეკარეა . აღფრთოვანებული ვარ მისი ასპარეზობით , უფრო მეტიც , მიხარია რომ ბოლო პერიოდში უკვე ერთ დონეზე ვიმყოფებით , რადგან სიტყვაზე ორი წლის წინ მეკარეების რეიტინგში საკმაოდ ქვევით ვიმყოფებოდი .

ინციდენტები და ნაკრები ? იცით არსებობს იტალიური მენტალიტეტი . გვერდით რომ გადავდოთ ათასი ბოროტი ენა და ჭორი , ფეხბურთელი რომელიც მაისურს იცვამს , მის მიმართ ებადება სიყვარული , პატივისცემა და ერთგულება . ავწიოთ ჩვენი დროშა ზევით და მივცეთ გულშემატკივრებს იმავეს გაკეთების უფლება , სწორედ ეს არის რითიც ვიღებთ სტიმულს საბრძოლველად .

ბალოტელი ? არა ჩვეულებრივად იასპარეზე და იცით რატომ ? მას გრანდიოზული შესაძლებლობები გააჩნია , მისთვის ეს ბრწყინვალე დასაწყისია . რაც ყველაზე მთავარია , იგი ჩემპიონების წრეში შევიდა , როგორც საფეხბურთო ასევე ადამიანური კუთხით . მწვრთნელმა მოახერხა და მისგან ყველაფერი საუკეთესო აიღო . ბალოტელის წარმატება განპირობებულია , მისივე სურვილზე იყოს საუკეთესო და მიაღწიოს დიდ მიზნებს . მციორედენი რა თქმა უნდა მის გარშემო მყოფ ადამიანებსაც მიუძღვით .

სიმართლეა , რომ ჰიმნის დროს , ვნერვიულობ როდესაც ვმღერი . იტალია – ჩემი სამშობლოა , სადაც დავიბადე და სადაც ორი დიდი ბაბუა დავკარგე მსოფლიო ომის დროს . ეს არის მიზერული რაც ჩემი ქვეყნისთვის შემიძლია , რომ გავაკეთო .

იუვეს ბირთვი აძურიში ? იცით , ეს ძალიან კარგია . გუნდი უნდა აშენდეს იმ მოთამაშეების გარშემო , რომლებმაც სათანადო დონეზე იასპარეზეს . მწვრთნელს ეს ბევრად უადვილებს საქმეს . აქ უკვე უადგილოა იმის თქმა ეს იუვეა , ინტერი თუ მილანი .

ძლიერი ჩემპიონატი , არ ნიშნავს , რომ ნაკრებიც ძლიერი გეყოლება . ინგლისი – გენიალური ლიგით , თუმცა … ამასთან ერთად პრემიერ ლიგის ბინადრებს კოლოსალური თანხების დახარჯვა შეუძლიათ სასურველი მოთამაშის დასამატებლად .

სწორედ ამიტომ ინგლისს , იტალიასაც და ესპანეთსაც გამოკვეთილი წარმომადგენლები არ ჰყავთ . ინგლისსზე კიდევ იმას დავამატებდი , რომ მათ კატასტროფულად არ უმართლებთ პენალტების სერიაში და აქ უკვე საქმე ჩავარდნასა და უიღბლობას შორის არის ” .

წყარო : Football Italia