იტალია – მაფია უკვდავია

იტალიაში , რომ ზოგადად საოცრებები ხდება ეს ახალი არავისთვის არის და განსაკუთრებით ტურინის ” იუვენტუსის ” გულშემატკივრებისთვის , რომელბმაც  ეს ყველაფერი საკუთარ თავზე გამოცადეს 2006 წელს . იმ დაწყევლილი დღიდან გადის 6 წელი და ბიანკონერის ცაზე ისევ შავმა ღრუბელმა მოიყარა თავი . და რა ხდება დღეს ? დღეს ხდება ის , რომ რომში გამართულ სასამართლო პროცესსზე , რომელიც კალჩიოკომისიის საქმეს განიხილავდა , ფედერალურმა პროკურორმა პალაციმ უბრალოდ საოცრებები განახორციელა …

საქმე იმაშია , რომ ანტონიო კონტე და მისი თამაშემწე ანჟელო ალესიო მზად იყვნენ სასამართლოსთან გარიგებაზე წასულიყვნენ , რაც ითვალისწინებდა ბიანკონერის მთავარი მწვრთნელისთვის ოთხ თვიან დისკვალიფიკაციას , აქედან სამი მოედნის მიღმა ყოფნა , ხოლო ერთი თვის ნაცვლად 50 000 ევროს გადახდა . ფაქტიურად ანალოგიური სასჯელი ელოდა ანჟელო ალესიოსაც .

თითქოს ყველაფერი შეთანხმებულია პალაცისთან , ტურინიც მეტ ნაკლებად ეგუება ამ ყველაფერს იმ ფაქტის გამო რომ უკვე 1 ნომებრიდან კონტე კვლავ იჯდებოდა სათადარიგოთა სკამზე , მაგრამ აქ იტალიამ კიდევ ერთხელ დააფიქსირა რომ მართლაც განუმეორებელი ქვეყანაა , სადაც არ არსებობს უსამართლობის საზღვრები და სადაც ალბათ ვერასოდეს ვერ გავიგებთ ერთ მარტივ კითხვაზე პასუხს : რატომ მხოლოდ და მხოლოდ იუვენტუსი ?

სასამართლო მოულოდნად იღებს გადაწყვეტილებას , არ განიხილოს კონტეს და ალესიოს წინადადება და არ მიდის შეთანხმებაზე , რომელიც თითქოს უკვე შეთანხმებული იყო მათ შორის …

შოკისმომგვრელი განაჩენის შემდეგ , კონტეს ადვოკატები მომენტალურად ითხოვენ პროცესის წარმომადგენლების შეცვლას , რომელსაც ითვალისწინებდა კიდევაც იტალიის კონსტიტუცია , რომელმაც ცვლილება 1992 წელს განიცადა ამ კანონის კუთხით : მოსამართლე რომელიც თავდაპირველად მიდის მოლაპარაკებაზე მეორე მხარესთან და შემდგომ უარს აცხადებს შეთანხმების შესრულებაზე და ცვლის განაჩენს , დაუყონებლივ უნდა ჩამოშორდეს ამ კონკრეტულ საქმეს .

მიუხედავად ამისა , ” ცირკი ” გრძელდება : შესვენების შემდეგ სასამართლოს სასაცილოდაც არ ყოფნის ეს ყოველივე და უარყოფს ზემოთხსენებულ მოთხოვნას . ხოლო პალაცი თავის მხრივ კალჩიოკომისიის საქმის ფიგურანტებს საპროცესო გარიგების წინადადებებს სთავაზობს . თავად ანტონიოსაც და ალესიოსაც ჯერ ჯერობით არ უნახავთ პალაცის მიერ მიწოდებული ახალი დოკუმენტები .

ერთი სიტყვით მინიმალური სასჯელი წესით ძალაში ხვალიდან უნდა შესულიყო და უკვე ნოემბრის პირველ რიცხვებში ბიანკონერის სამწვრთნელო შტაბი დაუბრუნდება საკუთარ საქმეს , თუმცა საქმემ სხვაგვარი მიმართლება მიიღო და უკვე არავინ იცის ვის რა ელოდება …