პოგბა : “ვიეირა ? – მას მადარებენ, თუმცა მინდა უკეთესი ვიყო “

ტურინის “იუვენტუსის” ახალწვეულმა, პოლ პოგბამ მისი ტრანსფერის ოფიციალურად დადასტურების შემდეგ ბიანკონერების ვებ-გვერდს პირველი ინტერვიუ მისცა : “გუნდის მუზეუმით მოხიბლული ვარ, ულამაზესია, “იუვენტუსის” ისტორია და ლეგენდარული ფეხბურთელები ნათლად შევაფასე.იმედი მაქვს, შავ-თეთრი მაისურით დიდ წარმატებას მივაღწევ და კლუბის ისტორიაში ჩემს სიტყვას ვიტყვი.ტურინში ყოფნა დიდი პატივია, ძალიან ბედნიერი ვარ.ბებერი ქალბატონის წარსულიდან არაერთ ფეხბურთელს ვიცნობ : პლატინი, ნედვედი, რობერტო ბაჯო; დღევანდელებიდან კი პირლო, ბუფონი, მარკიზიო, კიელინი.მოხარული ვარ, რომ მათთან ერთად მიწევს ვარჯიში.პრემიერლიგა ? – იქ თამაში 16-17 წლის ასაკში დავიწყე, მქონდა პატივი მეთამაშა ისეთი ფეხბურთელების გვერდით, როგორებიც პოლ სქოულზი, რიო ფერდინანდი და უეინ რუნი არიან, ახლა კი მჯერა, რომ სწორი არჩევანი გავაკეთე, “იუვეს” მოთამაშე ვარ.სერია A მაღალი დონის ჩემპიონატია, გულშემატკივრებს ძალიან უყვართ საკუთარი მოთამაშეები.იუვენტუსის ახალი სტადიონი ? – ის ფაქტორი, რომ ტრიბუნები მწვანე მინდორთან ძალიან ახლოსაა, მოთამაშეებს დაეხმარება.როგორი ფეხბურთელი ვარ ? – საკუთარ თავზე საუბარი სიმართლე გითხრათ, არ მიყვარს.მირჩევნია სხვებმა შემაფასონ.ვიეირას მადარებენ, ვიმედოვნებ, მასზე ძლიერი ვიქნები.მოუთმენლად ველი ჩემპიონატის დაწყებას, დარწმუნებული ვარ, რომ ბიანკონერის ღირსებას წარმატებით დავიცავ.“

წყარო : Juventus.com