ისლა : “კონტესთან ერთად – ჩემპიონი გავხდები”

არსებობენ გამოწვევები, რომლებმაც შესაძლოა მთლიანად შეცვალონ ფეხბურთელის ცხოვრება, სწორედ ამგვარი გამოწვევა მიიღო მაურისიო ისლამ მაშინ, როცა შეიტყო, რომ “იუვენტუსში” გადადიოდა.”უდინეზეს” შემადგენლობაში ჩატარებულმა საუცხოო წლებმა ჩილელი მოთამაშე განავითარეს როგორც ტექნიკურად, ისე ტაქტიკურად და ახლა მაურისიო მზადაა, ბიანკონერების დიდ ოჯახში ჩაერიცხოს.Hurra Juventus – მა ისლას საკმაოდ ვრცელი ინტერვიუ ჩამოართვა.

“ტურინის “იუვენტუსში” ყოფნა ორ საოცარ გრძნობას მგვრის : სიამაყეს და ბედნიერებას.ვფიქრობ, ეს განვლილი გზის დასასრულია.უდინეში აღმოვაჩინე მცირე საფეხბურთო რეალობა, ფრიულის შემდეგ კი საშუალება მომეცა იტალიის ყველაზე და მსოფლიოს ერთ-ერთი ტიტულოვან კლუბში მომესინჯა ძალები.ფეხბურთთან კავშირი დაიწყო შორეულ წარსულში, იმ დღეს, როცა დედაჩემმა ბურთი მაჩუქა.მაშინ ხუთი წლის ვიყავი, ამაზე ადრე სპორტის ამ სახეობასთან შეხება არ მქონია.”

პირველი წლები საფეხბურთო სამყაროში მაურისიომ “უნივერსიტად კატოლიკაში” გაატარა, სწორედ აქედან გამოიძახეს იგი ჩილეს U20 ნაკრებში და ამ კლუბიდან შედგა მისი ტრანსფერი “უდინეზეში”, 2007 წელს.

“ძალიან ბევრი რამ ჩილეს ყოფილი მწვრთნელისგან, მარსელო ბიელსასგან ვისწავლე.ეს სპეციალისტი გუნდში საოცარ სამუშაოს ატარებს.ანტონიო კონტეს პირველი სიტყვები, რომლებიც “ბებერი ქალბატონის” მწვრთნელმა პირველ შეხვედრაზე მითხრა, ძალიან ჰგავს ბიელსას ფრაზას.კონტეს ჯერ კარგად არ ვიცნობ, თუმცა ფაქტია, იგი ფეხბურთელებისგან მაქსიმუმის გაღებას ითხოვს.თუ კარგი ბიჭი ხარ, მასთან ერთად ჩემპიონობის შანსი გაქვს.შესანიშნავია, როცა ვარჯიშობ ისეთ ფეხბურთელებთან ერთად, როგორებიც არიან : ბუფონი, პირლო, კიელინი.”იუვენტუს სტედიუმი” ? – დიახ, იქ ერთი მატჩი ჩატარებული მაქვს, თოვლში – სიცივეში, მაგრამ გულშემატკივრების მიერ შექმნილი საუცხოო ატმოსფერო განუმეორებელ სითბოს გადმოცემდა.”

“იუვენტუსში გამარჯვებებისთვის მოვედი, მოხარული ვარ, რომ აქ ჩემი თანაგუნდელი, კვადვო ასამოაც ასპარეზობს.ის ძალიან ჭკვიანი ფეხბურთელია, მშრომელი და მონდომებული.გარდა ამისა, ჩვენ კარგი მეგობრები ვართ.”

“ჩემი პოზიცია ? – გასული სეზონი “უდინეზეში” ნახევარდაცვის ცენტრში გავატარე, ინლერის წასვლით გამოწვეული სიცარიელის შევსება მევალებოდა.თავს ყველაზე კომფორტულად მარჯვენა ფლანგზე ვგრძნობ, 3-5-2 ან 3-4-3 სქემებში.ამ ტაქტიკებით ჩილეს ეროვნული ნაკრები თამაშობს.”

“ჩემპიონთა ლიგაზე დებიუტი მექნება, აქამდე ლიგაზე არასდროს მითამაშია.ევროპის ჩემპიონატს თვალი ვადევნე და დავრწმუნდი, რომ “იუვეს” ევროსარბიელზე წარმატების მიღწევა შეუძლია.”

წყარო : Tuttojuve