სატრანსფერო ჭორები და სიახლეები

მიუხედავათ სადისციპლინო კომიტეტის მიერ მიღებული გადაწყვეტილებისა, ანტონიო კონტე ტურინის “იუვენტუსის” მწვრთნელად რჩება და სატრანსფერო ბაზარზე მუშაობას ხელმძღვანელობასთან ერთად განაგრძობს.იტალიური პრესის მიერ გავრცელებული ინფორმაციით, ბიანკონერების დამრიგებლის სურვილი ამჯერად  ფერნანდო ლორენტეს ყიდვაა, რომელიც ბილბაოს “ატლეტიკში” გამოდის და გუნდთან მოქმედი კონტრაქტი 2013 წელს უმთავრდება.ბასკები ფეხბურთელის სანაცვლოდ 15-20 მილიონს ითხოვენ, თავად ლორენტეს კი ესპანეთიდან წასვლა გადაწყვეტილი აქვს.აქვე გეტყვით, რომ კარიერის საუკეთესო წელი ნანდოსთვის სწორედ გასული სეზონი იყო, სხვადასხვა ტურნირებზე მას 24 გოლი დაუგროვდა და ფურია როხასთან ერთად ევროპის ჩემპიონობაც იზეიმა.ბიანკონერების გარდა ლორენტეს მადრიდის “რეალიც” აკვირდება, თუმცა ნაკლებ სავარაუდოა, ბენზემა – იგუაინის გვერდით ჯოზე მაურინიომ ბასკი ფორვარდიც ისურვოს.

ზლატან იბრაჰიმოვიჩის გასხვისების შემდეგ ტურინის “იუვენტუსს” მსგავსად ფორვარდის ძიებას “მილანიც” შეუდგა.როსონერის ხელმძღვანელობამ მოლაპარაკებების წამოწყება ალესანდრო მატრისთან მოინდომა, რომელიც ბიანკონერების დატოვებასთან ძალიან ახლოსაა, მითუმეტეს ჯუზეპე მაროტა ფერნანდო ლორენტეს გაფორმებას აპირებს.ბებერი ქალბატონი მატრის სანაცვლოდ 16 მილიონ ევროს ითხოვს, ადრიანო გალიანი ალესანდროს ალტერნატივად “იუვეს” აწ უკვე ყოფილ წინახაზელს, მარკო ბორიელოს განიხილავს.

Sky Sport 24 – ის ცნობით, ანდრეა პოლი “იუვენტუსში” გადმობარგებასთან ძალიან ახლოსაა.შეთანხმება ტურინულ და გენუურ კლუბებს უკვე არსებობს, თუმცა პოლი ბიანკონერებს 2013 წელს შეუერთდება.უფრო ზუსტად, ბებერი ქალბატონი ანდრეას თანამფლობელობაში აიყვანს, მომავალ სეზონს კი “სამპდორიაში” დატოვებს და მხოლოდ ერთი წლის თავზე გამოისყიდის მის უფლებათა პაკეტს სრულად.მსგავსი ინფორმაცია რამდენიმე საათის წინ ფიფას აგენტმა, ჯანლუკა დი მარციომაც დაადასტურა.ოფიციალურ დადასტურებას ტრანსფერის შესახებ უახლოეს დღეებში უნდა ველოდოთ.

წყარო : Tuttojuve; Tuttosport