წამი, როდესაც დედამიწა გაჩერდა…

Many legends left us and we felt sad, living in their memories, but what if the legend of the legends said goodbye to us.How our feelings would be..? – ალესანდრო დელ პიერო – დიდი ეპოქის დასასრული…

და როგორც ფენომენო რონალდოს წასვლამ დაწყვიტა გული სელესაოს გულშემატკივრებს, და როგორც რაულ გონსალეს ბლანკოს წასვლამ დაწყვიტა გული მადრიდის “რეალის” ფანებს, და როგორც ფილიპო ინძაგის, ჯენარო გატუზოს, კლარენს ზეედორფის, ალესანდრო ნესტას, პაოლო მალდინის წასვლამ დაწყვიტა გული როსონერის თავგადაკლულ ტიფოზებს, და როგორც ზინედინ ზიდანის ვერცხის მედალმა დაწყვიტა გული ფრანგებს, და როგორც ტიერი ანრი ენატრებათ მეთოფეებს, და როგორც დევიდ ბექჰემი უყვართ “წითელ ეშმაკებს”, და როგორც კობი ბრაიანტი უყვართ ოკეანეთს გაღმა ამერიკელებს, ზუსტად ასე, მეც ზუსტად, ასე – არა, ამაზე მეტად, ამაზე მეტად მენატრება, მიყვარს და ვაფასებ ადამიანს სახელად – ალესანდრო დელ პიერო.

2002 წლიდან “იუვენტუსის” გულშემატკივარი ვარ და რას მოვესწარი, ტიტულიან ბიანკონერებს ვის გარეშე ვხედავ, ვაცეცებ თვალებს მწვანე ეკრანზე და აშკარაა, რაღაც გვაკლია, რაღაც არა – უფრო ვიღაც, დიდი ათიანი, შეუდარებელი ლიდერი, სისხლით ბიანკონერო და ნამდვილი კაპიტანი..წამი, როდესაც დედამიწა გაჩერდა..ასე დავარქმევდი ჩემი ცხოვრების ამ ნაწილს მე, ერთი რიგითი “იუვენტინო”. შავ-თეთრი სამყარო ალეს გარეშე ზეიმობს, დაუჯერებელი და ოდნავ უცნაურია, ძალიან ემოციური.

ადამიანმა, რომელმაც საკუთარი ისტორიის წერა 1993 წლისს 12 სექტემბერს დაიწყო და 2012 წლამდე ისე წერა, ერთხელაც არ უფიქრია გაჩერება.მის გონებაში არასდროს ყოფილა მომენტი, როცა რაღაცის შეცვლის დროა, როცა რაღაც საკმარისია, როცა ახალი სწყურია ორგანიზმს – არა, ბოლომდე დარჩა და 19 წელი ემსახურა ბიანკონერების შავ-თეთრ არმიას, ისე რომ, რიგითიც იყო, ასმეთაურიც, მთავარსარდალიც და მეფეც..ჩვენთვის ეხლაც მეფეა, უგვირგვინო მეფე.

დრონი მეფობენ და არა მეფენიო..ყველაზე მწარე რეალობის შესატყვისია ალბათ, სამართლიანობა რომ არსებობდეს, არ უნდა ბერდებოდეს ისეთი ადამიანი, როგორიც დელ პიეროა.ნუთუ შეიძლება, 19 წელი საოცარი სიხარული მიანიჭო მილიონობით ადამიანს, ხელოვნების დონეზე აიყვანო სპორტის ეს შეუდარებელი სახეობა, 53 553 წუთი გაატარო მწვანე მინდორზე, 796 მატჩი ჩაატარო, 320 გოლი გაიტანო, 4 – ჯერ გახდე სეზონის საუკეთესო ბომბარდირი, 21 ტიტული მოიგო, გახდე მსოფლიო ჩემპიონი და ერთ დღეს, ყველაფერი დასრულდეს.ჰო, ასე უბრალოდ დასრულდეს…გუშინ იყო და დღეს არ არის, არ არის მხოლოდ რეალურად, ისე კი, შენ ჩვენს გულებში სუნთქავ, ალექს..

ბოლოს, იმ სიტყვებით დავასრულებ, რომლის წარმომავლობაც ვერაფრით გაიხსენა მისმა მთქმელმა : “როდესაც დიდ დროს ატარებ ერთ ადგილას, თავად ხდები ის” – ალე თავად “იუვენტუსია”.

One Love…