ანიელი : ” ევროპა ? ოცნება რეალობად უნდა ვაქციოთ ”

პრეზიდენტი მართალია სულ რაღაც ორი წელია , თუმცა ის ნამდვილი იუვენტინოა . მის ძარღვებში შავ თეთრი სისხლი ჩქეფს – სწორედ ამიტომ , მისთვის არ არის აუცილებელი გარკვეული საკითხების ახსნა : ” არა ჩვეულებრივი შეგრძნებაა . გუნდმა , რომელმაც ორი წლის წინ დაიწყო შენება , დღეს უკვე კონკრეტული შედეგების მიღწევა დაიწყო , რასაც სკუდეტო და ორიოდე დღის წინ მოპოვებული იტალიის სუპერ თასიც ადასტურებს . თუმცა , ჩვენი მენტალიტეტი მიზნად უნდა ისახავდეს , უფრო მეტს და მეტს . ის რასაც მივაღწიეთ უკვე გუშინდელი დღეა , დროა მომავალზე მოვახდინოთ კონცენტრირება ” …

შიდა ასპარეზზე მიღწეული ორი წარმატების შემდეგ , იუვე ჩემპიონთა ლიგას უბრუნდება , რომელიც წლების მანძილზე ტურინელთა მეორე სახლი იყო …

” ნებისმიერ გათამაშებაში , რომელშიც ვმონაწილეობთ , გვაქვს ერთადერთი მიზანი და ეს არის გამარჯვება . არა აქვს ამას მნიშვნელობა ეს იტალიაა თუ ევროპა . ჩვენი გუნდი იტყვის საკუთარ სიტყვას . იტალიაში უნდა გავიმეოროთ მიღწეული , ხოლო ევროპაში რეალობად ვაქციოთ მორიგი ” ოცნება ” .

კალჩოკომისია ? ახალი სტრატეგია არ არსეობს . გუნდი და კონტე მჭიდროდ თანამშრომლობდნენ . ორი წელია ვიძახი , რომ იტალიაში არსებული სისტემა შესაცვლელია . ასევე არის ისეთი საკითხი , როგორიც 91 კანონია , რომელიც ძალაში 1981 წელს შევიდა , კიდევ ინფრასტრუქტურა , ბრენდის დაცვა და ჩემპიონატის რეფორმა . აბატემაც დაადასტურა გუშინ , რომ იტალიურ ფეხბურთს საკმაოდ გრძელი გზის გავლა მოუწევს და პროგრესის განხორციელება . იმედი მაქვს ამ ყველაფერში ჩვენ უშუალო მონაწილეობას მივიღებთ . სპორტულ პროცესს რაც შეეხება , ის საკმაოდ სწრაფია . ორივე მხარემ კონსესუსი უნდა იპოვნოს . ადვოკატებმა საკუთარი ვერსიები დადეს და არ აპირებენ ახალი სტრატეგიის შემუშავებას , თუმცა ჩვენ დარწმუნებულნი ვართ , რომ სამართლიანობა იზეიმებს . 

10 ნომრიანი მაისური ?  ნებისმიერი ფეხბურთელისთვის , რომელიც ეხლა გუნდშია ეს საკმაოდ მძიმე პასუხისმგებლობაა  . დელ პიერო ლეგენდა იყო , ისევე როგორც ბაჯო , პლატინი და სივორი . დღეისათვის გუნდში არსებული სიტუაციის გათვალისწინებით , არ ვთვლი აუცილებელს ამ ნომრით რომელიმე ფეხბურთელი გამოვუშვათ მოედანზე ” .

წყარო : Juventus.com