თქვენს წინაშეა ნიკალას ბენდტნერი …

კლუბმა გუშინ ოფიციალურად წარუდგინა საზოგადოებას ნიკალას ბენდტნერი . გულშემატკივართა მოსაზრებები დანიელთან დაკავშირებით გაყოფილია და რეალურადაც , რომ შევხედოთ გადაჭრით იმის მტკიცება , რომ იგი ან გაამართლებს ანაც პირიქით მორიგი კრახი გახდება საკმაოდ რთულია , რადგან ორი აზრი არაა რომ ლონდონის ” არსენალის ” ექს ფორვარდში უდიდესი ტალანტი იმალება , რასაც ქვევით უფრო ვრცლად გავარჩევთ …

პატარა ნიკალასი 4 წლის ასაკში იწყებს ფეხბურთის თამაშს Tarnby Boldklub – ში . მას მალევე 10 წლის ასაკში შეამჩნევს Copenaghen Boldklub – სპეციალური სკოლა , რომლის ერთ ერთი ყველაზე გამორჩეული ფიგურა წლების წინ მიქაელ ლაუდრუპი იყო . 16 წლის ასაკში კი , სხვადასხვა ასაკოვან ნაკრებში ნაჩვენები შთამბეჭდავი ასპარეზობისთვის ხვდება პირდაპირ ლონდონის ” არსენალში ” . ნიკალასი ახალგაზრდულ გუნდში ხვდება და ცოტახანში მას 17 წლამდელთა შორის , დანიის საუკეთესო მოთამაშეთ აღიარებენ . იმავე სეზონში მას დებიუტი ექნება სანაკრებო დონეზე და კერძოდ 2005 წლის 25 ოქტომბერს . მან სამჯერ მოირგო ნაკრების მაისური . ნაციონალურ გუნდში , ორი წლის მანძილზე 17-ჯერ გამოდის მინდორზე და 7 გოლი გააქვს – U 17 და U 19 . 2006 წელს ლონდონელებმა იღებენ გადაწყვეტილებას არენდით გაუშვან ფორვარდი ” ბირმინგემში ”  საჭირო გამოცდილების დასაგროვებლად . ბენდტნერი გუნდის ერთ ერთი გმირი ხდება და ჩატარებულ 48 დაპირისპირებაში 13 გოლით ეხმარება კლუბს . U 21 რიგებში კი ევროპის ჩემპიონატზე 4 მატჩში 2 გოლი გააქვს . 2006 წლის 18 აგვისტოს კი , როდესაც ნიკალას 18 წელი შეუსრულდა გამოდის მთავარი ნაკრების რიგებში .

ბუნებრივია მას გამორჩეული ყურადღება ეთმობა და შედეგად არსენ ვენგერი იღებს გადაწყვეტილებას დააბრუნოს ნიკალასი და მისცეს შანსი . 2007-2010 წლის განმავლობაში , საერთო ჯამში სკანდინავიელი ფორვარდი მოედანზე 121-ჯერ გამოდის და გააქვს 26 გოლი . საუკეთესო სეზონი იყო 2008/09 50 შეხვედრაში გატანილი 15 გოლი , შედეგი : დანიის საუკეთესო ფეხბურთელი – ასაკი 21 წელი . ეხლა უკვე ბენდტნერი მსოფლიო ვარსკლავია და არსენალის ერთ ერთი საკვანძო ფიგურა .

თუმცა 2009/10 სეზონში , მის გარშემო შავმა ღრუბელმა მოიყარა თავი . თავდაპირველად იყო ავტო ავარია , რამაც გამოიწვია საზარდულზე ქირურგიული ჩარევა . სარეაბილიტაცია პერიოდმა ორი თვე გასტანა . დაბრუნდების შემდეგ კი ტრავმის რეციდივი და ამან კიდევ უფრო პრობლემატური გახადა მისი მომავალი . მაგრამ , სეზონის მეორე ნახევარში ის სრულ რეაბილიტირებას ახდენს . მომდევნო წელს ლონდონური კლუბი მარუან შამახს ყიდულობს , სერიოზული კონკურენტი გამოუჩნდა ნიკალას ამაში ორი აზრი არაა . შესაძლოა შამახი არ იყო ისეთითვე ნიჭით დაჯილდოებული , თუმცა ფიზიკურად გაცილებით ძლიერი იყო . მეორეს მხრივ დანიელი ფორვარდი გაცილებით დისციპლინირებული იყო როგორც მოედანზე ასევე მის მიღმა . მორიგმა იძულებითმა დასვენებამ , რომელიც განაპირობა საზარდულის ტრავმამ , გამოიწვია ის რომ დარბუნების შემდგომ მას ფლანგზე მოუწია ასპარეზობა . მოკლედ განშორება არსენალთან კარს მომდგარი იყო . ამ ახალგაზრდას ის რაც რეალურად გააჩნია , არ უნდა დავუკარგოთ . აქვს მტკიცე ხასიათი და იგი დარწმუნებულია საკუთარ ძალებში , სწორედ ამიტომ სათადარიგოთა სკამზე ჯდომას სანდერელენში გადასვლა არჩია . სეზონი არაფრით გამორჩეული არ ყოფილა . შედეგად , 8 სეზონში მან 234 მატჩში 66 გოლი გაიტანა და 34 საგოლე გადაცემა შეასრულა .

” ახალი იბრაჰიმოვიჩი ” – სწორედ ასე უწოდებდნენ მას სამი წლის წინ , მანამ სანამ ტრავმებს მიიღებდა და რეციდივები განმეორდებოდა . ნიკალასი ევროპის ერთ ერთი ყველაზე ნიჭიერი ფორვარდი იყო ევროპაში . 195 სმ , ფიზიკურად ძლიერი , თუმცა სულ რაღაც 84 კილოგრამის პატრონი . ასეთი რამ იშვიათად ხდება . ძლიერია , საჰაერო ბრძოლებშიც პროდუქტიულია და ამასთანავე ბრწყინვალედ ფლობს ბურთს და ხმელეთზეც თავისუფლად შეუძლია კომბინირება . დაბადებინ მარჯვენა , თუმცა ორივე ფეხს ფლობს იდეალურად . გამოირჩევა საგოლე გადაცემების საკმაოდ დიდი ციფრით – ეს მისი სავიზიტო ბარათია , რადგან კარგი მოედნის ხედვა აქვს და მშვენიერი ტექნიკა . რაც შეეხება დრიბლინგს , მას მშვენიერი საწყისი სტარტი აქვს , რაც ასევე უცნაურია მისი გაბარიტების მქონე ფეხბურთელისთვის  . სამწუხაროდ ამდენ დადებითან ერთად აღსანიშნავია ისიც , რომ არცთუ ისე ძლიერია ბურთის მიღებისას . კერძოდ ზურგით ყოფნის დროს როდესაც იღებს ბურთს , უჭირს მოტრიალება და დარტყმის განხორციელება . მას ურჩევნია ბურთი სახით კარისკენ მიიღოს . ზურგით ყოფნის დროს კი ურჩევნია პარტნიორს უკან დაუგოროს . ყველაზე ცუდი კი მის კარიერაში რეალიზაციის დაბალი მაჩვენებლია . მეორეს მხრივ სკანდინავიური სკოლის საუკეთესო კუთხით , მას შეუძლია მრავალფეროვანი იყოს და გუნდს დიდი დახმარება გაუწიოს მინდორზე . ცენტრ ფორვარდიდან – ფლანგზე ან მეორე ფორვარდამდე სიღრმიდან …

ხასიათს რაც შეეხება , ოდნავ პრობლემატურია . ადებაიორთან კოფლიქტი ყველას გახსოვთ ალბათ . პლიუს ის რომ გენიალურ მატჩებს საშინელი მოჰყვება . მას ამ საკითხში მამობამაც არ უშველა . მაგრამ გადაჭრით შეიძლება იმის თქმა , რომ არაფრის ეშინია და დიდ მატჩებში ის ნამდვილად არ დაიკარგება .

” იუვენტუსს ” ესაჭიროებოდა მეხუთე ფორვარდი და დღეს მას ის ჰყავს . თუ მაროტას უნდოდა წარმატებული გარიგება , ის მან იპოვნა , რადგან ჩვენთან ნიკალასი არენდით მოდის . მაგრამ ბევრი ” მაგრამ ” რჩება …

თუ განვიხილავთ ბენდტნერს როგორც ადამიანს , რომელიც ემატება ჩვენს ფორვარდებს , მაშინ ყველაფერი გასაგებია . უდაოა  , რომ იგი გამოადგება გუნდს ექსტრემალურ სიტუაციაში , როდესაც საჯაირიმოში ჩაწოდებებზე გაკეთდება ხოლმე აქცენტი ( მატრი მაგალითად ამ მხრივ არ ბრწყინავს საერთოდ ) . თუ შევხედავთ კონტეს მხრიდან , რომელიც გაცილებით სხვა ტიპის მოთამაშეს ითხოვდა , მაშინ აქ უკვე გაუგებრობა სუფევს . პირველ რიგში იმიტომ , რომ ახალგაზრდა მოთამაშეს ძალზედ ცოტა უკლია ნაგვის ურნაში გადააგდოს ის ტალანტი რაც გააჩნია საკუთარი ხასიათის გამო . მეტყვით ალბათ , რომ ვინოვოს და ტურინს არა ერთი ასეთი მძიმე ფეხბურთელის ხასიათი გამოუსწორებია … ვნახოთ . მეორე მხრივ ის არ შედის იმ კატეგორიაში , რომელთა ზურგს უკან 20 გოლი იქნება, ეს მის სისხლში არ არის . მესამე მხრივ მას აქვს საჭირო თვისებები რა თქმა უნდა იდეალურად რომ ჩაჯდეს კონტეს სქემაში , მაგრამ … დანიელი ძალზედ სწრაფია , მაგრამ იუვეს ტაქტიკა მოკლე მანძილში მოკლე პასებს და კედლის გათამაშებას ისახავს მიზანად  და ამიტომ ითხოვდა კონტე უფრო როსის და სუარესის სტილისას . ლონდონში გატარებული დროის მანძილზე , რომ ვიმსჯელოთ ბენდტნერს უყვარს სწრაფი პასების სისტემა და ტექნიკაც აძლევს ამის საშუალებას , მაგრამ უპირატესობას ანიჭებს როგორც უკვე გითხრით იყოს სახით კარისკენ . ან მეორე ვარიანტი იღებდეს ბურთს ზურგით კარისკენ და უკეთებდეს გადაცემას იმას ვინც დასწრებაზე ამოდის – ალია დელ ნერი … შემდეგი ვარიანტია –  სიღრმიდან აკეთებდეს გადაცემას , როდესაც უყურებს კარს . კონტეს ტაქტიკაში კი ფორვარდი , რომელიც უკვე ძალიან ახლოს იმყოფება საჯარიმოსთან , უნდა აკეთებდეს გადაცემას მასთან ახლოს და ამასთანავე კართან კიდევ უფრო ახლოს მყოფზე . შესძლებს კი ბენდტნერი ამ ტაქტიკასთან ადაპტირებას ? იმას რაც ვუჩინიჩს ბრწყინვალედ გამოსდის და რაც ასე ძალიან პრობლემატურია ჯერ ჯერობით ჯიოვინკოსთვის და მატრისთვის ?

სურათზე ნახავთ იმის მაგალითს რაზეც ზევით ვსაუბრობდით . ასო ბგერა ” B ” – ით აღნიშნულია რა თქმა უნდა ბენდტნერი , ხოლო ვარდისფერი ზოლი ბურთზე აღნიშნავს მის სახეს და იმ პოზიციას თუ როგორ დგას კართან , ზურგით თუ სახით …

ნებისმიერ შემთხვევაში იმის თქმა , რომ მაროტამ იყიდა ამოუცნობი ობიექტი გადამეტებულია . ნიკალას უდიდესი ტალანტი აქვს და თუ გავითვალისწინებთ , რომ კლუბს იგი მინიმალური თანხები დაუჯდა და პლიუს არენდით არის , წაგების რისკს ამცირებს .

იმ შემთხვევაში თუ ის იმუშავებს კლუბთან ერთად და მოისმენს მწვრთნელის თითოეულ რჩევა დარიგებას , მაშინ მისი პოტენციალი გაიხსნება და შედეგი იქნება გრანდიოზული . ის სულ რაღაც 24 წლის არის . აქვს ბრწყინვალე ტექნიკა , მაღალია და რაც მთავარია – ნამდვილად არ არის ბურთთან თქვენობით …