კარერა : ” ნებისმიერ ფეხბურთელს შეუძლია მატჩის ბედის გადაწყვეტა ”

მასიმო კარერას მოსაზრებით , ლონდონელებმა საკმაო პრობლემები შეუქმნეს მის გუნდს ანდრეა პირლოს დაკეტვით , მაგრამ ფაბიო კუალიარელას გოლმა ყველას დაანახა , რომ ნებისმიერ ფეხბურთელს ძალუძს მატჩის ბედის გადაწყვეტა : ” კარგად გვესმოდა , რომ პირლო ძლიერი პრესინგის ქვეშ იქნებოდა , რადგან ის ჩვენი გუნდისთვის უმნიშვნელოვანესი ფიგურაა . თუმცა , შემადგენლობაში არა ერთი ნახევარმცველი გვყავს , რომელთაც შეუძლიათ შეტევაში პროდუქტიული ასპარეზობა ” …

კუალიარელა მოედანზე სება ჯიოვინკოს ნაცვლად გამოჩნდა და უმალვე შესძლო გოლის გატანა მარკიზიოს გენიალური გადაცემის შემდეგ . ცოტახანში კი მას საერთოდ დუბლის გაკეთებაც შეეძლო , თუმცა ბურთი ხარიხას მოხვდა : ” მთელი კვირის მანძილზე ვაკვირდებით მოთამაშეებს და ვხვდებით თუ ვინ არის ფორმაში და ვინ არა . კვირას შანსი მატრის მიეცა , დღეს კი ჯერი კუალიარელაზე მიდგა ,  რომელმაც დაამტკიცა რომ ნებისმიერი შეიძლება გახდეს საკვანძო ფიგურა კონკრეტულ ეპიზოდში . სუპერ ბურთი და იღბალი , რომ მის მხარეზე ყოფილიყო მეორესაც გაიტანდა , არანაკლებ ლამაზს . საერთო ჯამში კარგად ვიასპარეზეთ და დავამტკიცეთ , რომ ნებისმიერ მეტოქესთან შეგვწევს ძალა ვითამაშოთ თანაბრად . ჯიოვინკო კი ასრულებს იმას რასაც ვთხოვთ . ის თანდათანობით კრეფს ფორმას და დარწმუნებული ვარ მალე გამოიჩენს თავს ევროპაშიც ” .

ისევე როგორც გენუაში , პირველ ტაიმში ლონდონშიც მარცხდებოდა იუვე : ” პირველი გოლი მას შემდეგ გავუშვით , რაც მოედანზე 10 კაცით დავრჩით , რადგან იმ დროს ტრავმა ვიდალმა მიიღო . გენუაში მატჩი ცუდად დავიწყეთ , თუმცა მსვლელობისას მოვუმატეთ და პირველ 45 წუთში სამი მომენტი შევქმენით . ბუნებრივია ჩელსის წინააღმდეგ მეტ შესაძლებლობას უშვებ ხელიდან . მოხარულნი ვართ , რომ მოვახერხეთ 2-0 -ის შემდეგ რეაბილიტირების მოხდენა . ეხლა კი დროა კონცენტრირება კვლავინდებურად სერია ა-ზე მოვახდინოთ” .

წყარო : Football Italia