კუალიარელა : ” უმნიშვნელოვანესი ქულა ”

მოედანზე გამოჩენისთანავე ფაბიო კუალიარელამ ეფექტური და ამავე დროს უმნიშვნელოვანესი გოლი გაიტანა არისტოკრატთა კარში : ” გამომდინარე იქიდან , თუ როგორი სცენარით ვითარდებოდა მატჩი , ეს იყო საკმაოდ მნიშვნელოვანი შედეგი პირადად ჩვენთვის . თავდაპირველად მარცხენა ფეხით მსურდა დარტყმა , მაგრამ გავაცნობიერე რა , რომ მცველი საკმაო მანძილზე მყავდა ჩამოტოვებული , გადავწყვიტე მივახლოვებოდი ჩეხს . რთული მატჩი იყო . მწვრთნელმა გადაწყვიტა მოედანზე შეხვედრის მიწურულს გამოვსულიყავი და შესაბამისად ნაკლები მომენტები შეიქმნა . რთულია რა თქმა უნდა სათადარიგოთა სკამიდან თვალყურის დევნება , მაგრამ დიდ გუნდებში კონკურენციაც დიდია ” . გატანილი გოლის შემდეგ ფორვარდმა კარერასთან აღნიშნა იგი , თუმცა აღიარა რომ ამის გაკეთება სტორარისთან სურდა : ” მარკოსკენ გავიქეცი , მაგრამ სასიამოვნო იყო კარერასთან აღნიშვნა რადგან ის ძალზედ ახლოს არის ჩვენთან . დღეს მისი დებიუტი შედგა ლიგაზე და ამიტომ ემოციების ქვეშ ვიმყოფებით . 100 % – ით მზად ვიგრძენი თავი , მაგრამ როდესაც არ გიწევს მოედანზე გასვლა სისტემატიურად ფიზიკური კუთხით ეს გარკვეულ პრობლემებს ჰქმნის . მხოლოდ ვარჯიშებით მისი აღდგენა და შენარჩუნება რთულია ” .

წყარო : Football Italia