ანიელი: ” ანტონიო კონტე სრულიად უდანაშაულოა “

ანდრეა ანიელი სასამართლოს მიერ ანტონიო კონტეს შესახებ მიღებული გადაწყვეტილების შემდეგ შეფასებებს აკეთებს. “იუვენტუსის” პრეზიდენტის თქმით, “ბებერი ქალბატონის” მთავარი მწვრთნელი სრულიად უდანაშაულოა და მთელი გუნდი სათადარიგოთა სკამზე მის დაბრუნებას ელოდება: “ მე, როგორც ყველანი “იუვენტუში”, ვრჩები იმ აზრზე, რომ ანტონიო კონტე სრულიად უდანაშაულოა. მისი დისკვალიფიკაციის შენარჩუნება უსამართლობაა და ამის გამო მთელი საფეხბურთო სამყარო უნდა იყოს შეწუხებული. ყველანი მისი სათადარიგოთა სკამზე დაბრუნების მოლოდინში ვართ, სადაც ისეთივე თავდადებით გააგრძელებს თავისი საქმის კეთებას, როგორც მთელი კვირის მანძილზე. იმ ყველაფრის შემდეგ, რაც ითქვა და დაიწერა, სპორტულმა სტრუქტურებმა ფართომასშტაბიან რეფორმებზე უნდა იფიქრონ, რაც საშიშ შეუსაბამობებს – ძირითადად, დისკვალიფიკაციისა და მისი ვადების შესახებ – აგვაცილებს თავიდან. ასეთი შეუსაბამობების გამო ბოლო წლებში ბევრი დაზარალდა. იმედია, აპელაციას სათანადო პასუხი ექნება, რაც ამგვარ დარღვევებს მომავალში თავიდან აგვარიდებს. ” -აცხადებს ანიელი.

წყარო: football italia