ბიანკონერები ნაკრებებში – სრული მიმოხილვა

ორი გოლი, ორი გამარჯვება და იმედგამაცრუებელი შედეგები სამხრეთ ამერიკაში.გუშინ, მსოფლიო ჩემპიონატისა და ახალგაზრდულ ნაკრებებს შორის ევროპის ჩემპიონატის შესარჩევი ეტაპების მატჩებში ერთბაშად 14 – მა ბიანკონერომ მიიღო მონაწილეობა, დღეს კი საქმეში კვადვო ასამოას განა ( მალავის წინააღმდეგ ) ჩაერთვება, თავის შეხვედრას მირკო ვუჩინიჩის მონტენეგრო 16 ოქტომბერს გამართავს.

ჩეზარე პრანდელის გუნდში მყოფმა იტალიელმა ბიანკონერებმა ერევანში, ადგილობრივი სომხეთის ნაკრები 1-3 დაამარცხეს.ანგარიში პენალტის ნიშნულიდან ანდრეა პირლომ გახსნა, მასპინძლების გამთანაბრებელი გოლის შემდეგ კი აძურებმა დანიელე დე როსისა და პაბლო ოსვალდოს წყალობით შესძლეს სამი ქულის აღება.ჯანლუიჯი ბუფონი, ანდრეა ბარძალი, ლეონარდო ბონუჩი, ანდრეა პირლო, კლაუდიო მარკიზიო და სებასტიან ჯიოვინკო ძირითად შემადგენლობაში იმყოფებოდნენ, სათადარიგოთა სკამიდან შეხვედრაში ჩაერთო ემანუელე ჯიაკერინი, ჯორჯო კიელინის დასვენება კი მთავარმა მწვრთნელმა გადაწყვიტა.აპენინელები შემდეგ შეხვედრას სამშაბათს, 16 სექტემბერს დანიის ეროვნული ნაკრების წინააღმდეგ ჩაატარებენ, მილანში.

იტალიის U21 ნაკრებმა, რომელშიც ლუკა მარონე ირიცხება, შვედეთის დამარცხება მინიმალური სხვაობით მოახერხა.გატანილი გოლის ავტორი ასევე ბიანკონერების ექს-წევრი, ჩირო იმობილე გახდა.ლუკა ძირითად შემადგენლობაში იყო და მინდორზე სრული 90 წუთი გაატარა.შემდეგ შეხვედრას ახალგაზრდა აძურები სამშაბათს, ისევ შვედეთდან გასვლაზე ჩაატარებენ.

სკუადრა აძურას ჯგუფში მყოფი დანიის ეროვნული ნაკრები ბულგარელებს სოფიაში დაუზავდა.მეშვიდე წუთზე გაშვებული გოლის შემდეგ წონასწორობის აღდგენა დანიელთა ლიდერმა და ამავდროულად ბიანკონერების ახალწვეულმა, ნიკლას ბენდტნერმა შესძლო.როგორც ვთქვით, სამშაბათს ბენდტნერი აპენინელებს დაუპირისპირდება.

ქულას დასჯერდა შვეიცარიის ეროვნული ნაკრებიც, რომელშიც შტეფან ლიხტშტაინერი გამოდის.ნორვეგიასთან მატჩი 1-1 დასრულდა.მარჯვენა მცველმა 90 წუთი ითამაშა და მსაჯს ყვითელი ბარათიც “გამოსტყუა”.შვეიცარია სამშაბათს ისლანდიას, გასვლაზე დაუპირისპირდება.

ოკეანეთსგაღმა ტურინელთა გამოსვლა გაცილებით წარუმატებელი აღმოჩნდა.მაურისიო ისლასა და არტურო ვიდალის მარცხზე მოგახსენეთ, მარტინ კასერესის ურუგვაი კი ბუენოს აირესში, არგენტინის ეროვნულ გუნდთან 3-0 განადგურდა.ვიდალის გარეშე დარჩენილი ისლა შემდეგ შეხვედრას სამშაბათს, არგენტინის წინააღმდეგ ჩაატარებს, ურუგვაის კი ბოლივიის ნაკრებთან მოუწევს დაპირისპირდება.

აქვე გეტყვით, რომ სამშაბათს მონტენეგროს ეროვნული ნაკრების კაპიტანი, მირკო ვუჩინიჩი უკრაინასთან მატჩში მიიღებს მონაწილეობას.

წყარო : Juventus.com