” იუვენტუსი ” – ” ნაპოლი ” ( წინასამატჩო )

დღეს იტალიაში , თბილისის დროით 20:00 სუპერ მატჩი გაიმართება , რომელსაც გულშემატკივარი უკვე დიდი ხანია ელოდება . ერთმანეთს , დღეისათვის აპენინებზე ორი უდაოდ გამორჩეული კლუბი ტურინის ” იუვენტუსი ” – მოქმედი ჩემპიონი , რომელსაც დამარცხება არ უგემია უკვე 46 მატჩია , ნეაპოლიტანურ ” ნაპოლის ” დაუპირისპირდება . რამდენიც არ უნდა ისაუბრონ , იმაზე რომ ეს ჯერ კიდევ ჩემპიონატის სტარტია და ყველაფერი წინ არის , ორი აზრი არაა რომ ბრძოლა პირველი პოზიციისთვის გაიმართება . გამარჯვებული კლუბი სერიოზულ ფსიქოლოგიურ უპირატესობას მოიპოვებს , ამიტომ ეს კიდევ უფრო ამძაფრებს წინასამატჩო განწყობას . უმჯობესია გადავიდეთ კლუბების სავარაუდო შემადგენლობაზე და თავდაპირველად უნდა ავღნიშნოთ , რომ ბიანკონერის მხრიდან ამ დაპირისპირებას ჯანლუიჯი ბუფონი , მირკო ვუჩინიჩი და პაოლო დე ჩელიე დააკლდებიან . სიმონე პეპე რომელიც ფიზიკური კონდიციების გაუმჯობესებით არის დაკავებული არ არის შეყვანილი განაცხადში …

კარში ტურინელებს რა თქმა უნდა მარკო სტორარი ეყოლებათ . ტრიო მცველების უცვლელია ბარძალი , ბონუჩი , კიელინი . ფლანგებზე ლიხტშტაინერი და ასამოა გაირჯებიან , თუმცა ჟურნალისტების ცნობით არ არის გამორიცხული საწყის წუთებზე მაურიციო ისლა ვიხილოთ . ნახევარმცველების ტრიო , ისევე როგორც დაცვის უცვლელია : პირლო , მარკიზიო და ვიდალი . აი თავდასხმის ხაზი კი საკმაოდ დიდ კითხვებს ბადებს , გამომდინარე იქიდან , რომ ვუჩინიჩი არ იასპარეზებს . სავარაუდოდ უნდა ველოდოთ ფაბიო კუალიარელას გამოჩენას , რომელიც სებასტიან ჯიოვინკოს შეუწყვილდება .

ნეაპოლიტანელები ტურინელებისგან განსხვავებით არ ცდილობენ მეტოქეს საკუთარი თამაში მოახვიონ თავს . უფრო მარტივად , რომ ვთქვათ ასპარეზობენ მეორე ნომრად . ასეთ ვითარებაში კი მარეკ ჰამშიკს , ედისონ კავანის და ახალგაზრდა ინსინიეს ხელ ფეხი ეხსნებათ და მათი შეჩერება საკმაოდ პრობლემატური ხდება . კარებში უცვლელია დე სანკტისი , დაცვაში კანავარო , კამპანიარო და არონიკა , ფლანგებზე მაჯო და ცუნიგა . შუა ხაზში ბეხრამი , ინლერი და ჰამშიკი . თავდასხმაში კავანი , რომელსაც ალბათ გორან პანდევი დაეხმარება …

” იუვენტუსი ” ( 3-5-2 ) : სტორარი , ბარძალი , ბონუჩი , კიელინი , ლიხტშტაინერი , ვიდალი , მარკიზიო , ასამოა , კუალიარელა , ჯიოვინკო

სათადარიგოთა სკამი : რუბინიო , ბრანესკუ , კასერესი , მარონე , პოგბა , პადოინი , ისლა , ჯიაკერინი , მატრი , ბენდტნერი

მწვრთნელი : კონტე ( ანჟელო ალესიო )

ტრავმა : პეპე , ბუფონი , ვუჩინიჩი , დე ჩელიე

” ნაპოლი ” ( 3-5-2 ) : დე სანკტისი , კამპანიარო , კანავარო , არონიკა , მაჯო , ინლერი , ბეხრამი , ჰამშიკი , ცუნიგა , პანდევი , კავანი

სათადარიგოთა სკამი : როსატი , კოლომბო , გრავა , გამბერინი , უვინი , ფერნანდესი , მესტო , ჯემაილი , დონადელ , დოსენა , ინსინიე , ვარგასი

მწვრთნელი : მაცარი

ტრავმა : ბრიტოსი