ბონუჩი : ” საკუთარი თამაში მთელს მსოფლიოს უნდა მოვახვიოთ თავს ”

” 49 მატჩიანი წაუგებელი სერიის შემდეგ და ვიხსენებ თუ როგორი იყო ბიანკონერი წელიწად ნახევრის წინ , ყველაფრის წამის მეასედში შეცვლის სურვილი მიჩნდება . ” იუვენტუსი ” საკუთარ თამაშს მთელს მსოფლიოს შესთავაზებს და მოახვევს თავს . ინტერი ? 20 წუთიანი დომინირების შემდგომ ვიგრძენით , რომ ჩვენ ის იუვე არ ვიყავით . წინ საერთოდ აღარ მივდიოდით და შემდგომ ცალკეული ეპიზოდების გამო საერთოდ დავისაჯეთ . აუცილებელია პროგრესირება შემტევ ფაზაში , არ უნდა ვკარგავდეთ მეტოქის საჯარიმოსთან უაზროდ ბურთს , რადგან ამან შესაძლოა მომენტალურად მოგვიტანოს დიდი თავსატეხი კონტრ იერიშის ფორმით . ინტერისტების პროტესტი მსაჯის მიმართ ? მიუხედავად რამდენიმე შეცდომისა , ვთვლი რომ ევროპაში საუკეთესო არბიტრები სწორედ აპენინებზე არიან . უბრალოდ აქ განსხვავებული საკითხი და ფილოსოფიაა . იუვენტუსი რაც არ უნდა იგი კუთხეში იყოს მოქცეული , არასოდეს გააკეთებს ამ თემაზე კომენტარს , როგორსაც თავის მხრივ ინტერი აძლევდა საკუთარ თავს . ჩემპიონთა ლიგა ? ისევე როგორც ყოველთვის , მოედანზე გამარჯვების მოსაპოვებლად გავალთ . სწორედ ეს არის მიზანი , რადგან წარუმატებლობის შემთხვევაში დავიმსახურებთ ან ევროპა ლიგას , ანაც საერთოდ ორივე გათამაშების მიღმა ყოფნას . ამიტომაც მოედანზე ვიასპარეზებთ პლეიოფის ბილეთის მოსაპოვებლად . ” იუვენტუსს ” ადანაშაულებენ , რომ მან დაკარგა გამარჯვების წყურვილი . სიმართლეა თუ არა ეს ? დიახ . იმედი ვიქონიოთ , რომ შაბათს განცდილი მარცხი დადებითად იმოქმედებს გუნდზე და კიდევ უფრო გრანდიოზულს გახდის ჩვენს შედეგებს “ – განაცხადა ლეონარდო ბონუჩიმ .

წყარო : Сalcionews24