კიარენცა : ” კარგი წინადადების შემთხვევაში შეიძლება მარკიზიომ დატოვოს კლუბი ”

პრიმავერას ყოფილმა მწვრთნელმა და ამავდროულად მარკიზიოს, დე ჩელიეს და ჯოვინკოს აღმზრდელმა განაცხადა, რომ “იუვეს ” რვიანი შესაძლოა მანჩესტერ ” იუნაიტედში ” გადაბარგდეს კარგი ” ოფერის ” შემთხვევაში. უკვე რამოდენიმე წელია სერ ალექს ფერგიუსონი კლაუდიოს გადაბირებას ცდილობს, მაგრამ ყოველ ახალ წინადადებაზე მკაცრ უარს იღებს. ” წავა მარკიზიო უცხოეთში ძალების მოსასინჯად ? მე მგონია, რომ ყველაფერი ეკონომიკაზე იქნება დამოკიდებული. ” – აცხადებს კიარენცა Tuttomercatoweb-თან ინტერვიუში.  ” ვფიქრობ, რომ კარგი წინადადების შემთხვევაში ყველაფერია შესაძლებელი, ბოლოს და ბოლოს ასეთი შანსი ყოველ დღე არ გეძლევა. ვფიქრობ, რომ კლაუდიოს შავ-თეთრი სისხლი უჩქეფს და ასევე გული ” ბიანკონერისკენ ” მიუწევს, მაგრამ კარგი კონტრაქტის შეთავაზების შემთხვავაში მას გაუჭირდება უარის თქმა. ეს ყველაფერი ” იუვესთვისაც” მომგებიანი იქნება “ -დაამთავრა პრიმავირას ექს-მწვრთნელმა.

როგორც პრესა იტყობინება, ” წითელი ეშმაკუნები ” ნადირობას აცხადებენ ” იუვეს ” მომავალ კაპიტანზე. მაროტა და მისი კომპანია ასევე აკვირდება ” იუნაიტედის ” ნახევარმცველ ლუიშ ნანის, რომელსაც კონტრაქტი 2014 წელს ეწურება და მომავალ წელს მისი ფასი საგრძნობლად შემცირდება. ლოგიკურია ვივარაუდოთ, რომ შესაძლოა ნანი – მარკიზიოს ბარტერი ვიხილოთ. სერ ალექსი 30 მილიონიან წინადადებას ამზადებს, თუ საქმეში ნანი ჩაირთო იგი იმედოვნებს, რომ ამ ფასს გაანახევრებს.

 წყარო : TuttoMercattoWeb, TuttoJuve