მაროტა : ” კონტე რჩება ”

Il Secolo XIX – სთან საუბრისას ჯუზეპე მაროტამ საკუთარი კლუბის გეგმებზე ისაუბრა : ” ჩემპიონთა ლიგა ის ტურნირია , რომელზედაც უკლებლივ ყველანი ვფიქრობთ და უდიდესი სურვილი გაგვაჩნია მისი მოპოვების . ვიზრუნებთ შემადგენლობის გაძლიერებაზე , რომელსაც შეეძლება უმაღლესი მიზნების მიღწევა . მთავარი მიზანია , რომ ისეთ ჩემპიონებს როგორებიც არიან ბუფონი , კიელინი , მარკიზიო , ვიდალი და პირლო გვერდით არანაკლები კლასის მოთამაშეები დავუყენოთ . მაგრამ ეს ყოველივე ფინანსურ ჩარჩოებს არ უნდა გასცდეს . ანიელიმ უკვე ნათლად მიანიშნა , რომ იბრაჰიმოვიჩი არ დაბრუნდება ტურინში . აი რაც შეეხება იგუაინს , იმაზე მეტს ეხლაც ვერ ვიტყვი რასაც აქამდე ვამბობდი , არგენტინელი ბრწყინვალე ფორვარდია . იოვეტიჩზეც იგივეს ვიტყოდი და დავამატებ , რომ მასთან მოლაპარაკებები არ მიმდინარეობს და თუ აგენტი მის თავს გვთავაზობს ეს მერწმუნეთ სრულებით არ ნიშნავს არაფერს . იმობილეს სიტუაცია სიმართლე გითხრათ არ მესიმპატიურება . გვსურს , რომ მას უფრო მეტი სათამაშო დრო ეძლეოდეს . უმოკლეს პერიოდში შევხვდებით ” ჯენოას ” წარმომადგენლებს და გადავწყვიტავთ მის მომავალს . ძაძა ? სხვათაშორის ეს ფეხბურთელი სამპდორიაში მე და პარატიჩიმ მივიყვანეთ და გამომდინარე კლუბისადმი ჩვენი პატივისცემისა , არანაირი სახის მოლაპარაკებები ჯერ ჯერობით არ მიმდინარეობს . კონტე ? მშვენიერი ურთიერთობა გვაქვს , რაზეც ანდრეა ანიელიმაც ისაუბრა . შეხვედრა უკვე შესდგა და გარკვეული გეგმებიც დასახულია . ის მომავალ სეზონშიც კლუბის სათავეში იქნება ” .

წყარო : Football Italia