კონტე : ” ” იუვენტუსის ” ძალა მის მენტალიტეტშია ”

” მიმდინარე გათამაშებაში , სამპდორია ერთადერთი გუნდია , რომელმაც ორივე დაპირისპირებაში მოახერხა ჩვენი დამარცხება და ბუნებრივია ეს გვიტოვებს სინანულის საბაბს . დღევანდელ შეხვედრაში , მიუხედავად იმისა , რომ როტაცია განვახორციელეთ , საკმაოდ ბევრი სახიფათო მომენტი შევქმენით მეტოქის კართან , მაგრამ დასკვნით ფაზაში არ გვიმართლებდა . მარცხი სასიამოვნო არასოდეს არის თუმცა დღევანდელზე იმის თქმა , რომ რთულად გადასატანი იქნება გავაზვიადებ ალბათ . მეორეს მხრივ იგი წაგვადგება , რადგან შემდეგ სეზონში უფრო მეტი ქულის დაგროვება მოგვიწევს შედეგის გასაუმჯობესებლად “ – საუბრობს ჟურნალისტებთან მატჩის დასრულების შემდეგ ანტონიო კონტე .

” იუვენტუსის ძალა იმალება მის მენტალიტეტში . გასულ სეზონში მაგალითად , ჩემპიონატს მესამე ადგილზე ფიქრით ვიწყებდით , მაგრამ უდრეკი ხასიათის გამომჟღავნების შემდეგ გავუწიეთ კონკურენცია გაცილებით ძლიერ კლუბებს იმ პერიოდისთვის . წლევანდელ სეზონში კი უკვე შემდგარ კოლექტივს , პოგბა , ასამოა და ჯიოვინკო დაემატნენ . ისინი იმიტომ გამოვყავი , რომ სხვებზე ვინც ახლად ჩარიცხული იყო კლუბში , უფრო მეტი დრო გაატარეს მოედანზე . შევძელით და გავუმკლავდით ზეწოლას , რომელიც მხოლოდ ძლიერთა ხვედრია . შარშანდელ სეზონშიც როდესაც მილანი რამდენიმე ქულით გაიქცა წინ , მოვახერხეთ კონცენტრირება და ჩამორჩენის აღმოფხვრა ” .

ჩემპიონატი დასრულდა და ეხლა მთელი ყურადღება სატრანსფერო ბატალიებზე იქნება გადატანილი ..

” პირველ რიგში თითოეულ მათგანს მადლობა უნდა გადავუხადოთ მაქსიმალური თავგანწირვისთვის . დღეს ამ კუთხით საუბარი მათამი უპატივცემლობას ნიშნავს . უკვე ხვალიდან კი ხელმძღვანელობა გუნდის გაძლიერებაზე დაიწყებს ზრუნვას ” .

დასასრულს ანტონიომ ნიკალას ბენდტნერის ჯანმრთელობის მდგომარეობაზეც გააკეთა კომენტარი …

” ძალზედ სამწუხაროა , რადგან მას პირველივე დღიდანვე არ უმართლებდა . პირველ წრეში მიღებულმა მძიმე დაზიანებამ არ მისცა დანიელს საკუთარი შესაძლებლობების სრულად წარმოჩენის საშუალება . ვუსურვებ ყოველივე საუკეთესოს რადგან , ბენდტნერი კარგი ფეხბურთელი და ბრწყინვალე პიროვნებაა ” .

წყარო : ტურინის ” იუვენტუსის ” ოფიციალური ვებ გვერდი