ბარძალი და პელუზო ლაზარეთში იმყოფებიან, ტევესი და ვუჩინიჩი დაბრუნდნენ

“ჯენოას” წინააღმდეგ მოპოვებულმა გამარჯვებამ ბიანკონერები კიდევ უფრო დაახლოვა სკუდეტოსთვის, თუმცა მიმდინარე კვირაში ანტონიო კონტეს გუნდს ურთულესი დაპირისპირება ელის, ამჯერად ფლორენციაში, ადგილობრივი “ფიორენტინას” წინააღმდეგ ევროპის ლიგის პლეიოფში.ტურინელთა მთავარ დანაკლისად ანდრეა ბარძალის ტრავმა უნდა ჩაითვალოს, რომელმაც დაზიანება გენეუაში, მატჩისწინა გახურებაზე მიიღო და როგორც სჩანს, იტალიელი მცველის მარცხენა მუხლი არცთუ სახარბიელო მდგომარეობაშია.ბებერი ქალბატონის სამედიცინო შტაბი ფეხბურთელს უახლოესი დღეების განმავლობაში დააკვირდება და მის მდგომარეობას შეაფასებს, წინასწარი ვარაუდით, გამოცდილი უკანახაზელი მოედანს 20-25 დღეში დაუბრუნდება.რაც შეეხება ფედერიკო პელუზოს, შაბათის ვარჯიშზე მიღებული ტრავმის გამო იგი დაახლოებით ერთ თვეს გამოტოვებს.საბედნიეროდ, ტურინელთა ბანაკიდან სასიამოვნო ნიუსებიც ისმის – კარლოს ტევესისა და მირკო ვუჩინიჩის დაბრუნება.ორივე ფორვარდი ხვალიდან გუნდთან ერთად სრული დატვირთვით ივარჯიშებს, არგენტინელ ფეხბურთელს ხუთშაბათს ძირითად შემადგენლობაში უნდა ველოდოთ.და ბოლოს, კლაუდიო მარკიზიო, რომელმაც “ჯენოასთან” შეხვედრა გამოტოვა, მინდორზე კვირის ბოლოს, “კატანიასთან” მატჩში დაბრუნდება.

წყარო : Juventus.com