ბიანკონერები მუნდიალზე, პირველი ტური მათთვის დასრულდა

ბრაზილიაში მიმდინარე მსოფლიო ჩემპიონატის ჯგუფური ეტაპის პირველ წრეში ყველა იმ გუნდმა იასპარეზა, რომელშიც ტურინის “იუვენტუსის” ფეხბურთელები თამაშობენ.იტალიისა და ჩილეს ნაკრებების წარმატების შესახებ უკვე მოგახსენეთ, ვახსენეთ მარტინ კასერესის ურუგვაის მარცხიც, ახლა დარჩენილ სამ მოთამაშეზე ვისაუბროთ.პოლ პოგბამ ჰონდურასთან დაპირისპირებაში 57′ წუთი დაჰყო მოედანზე, შემდეგ იგი მუსა სისოკომ შეცვალა, ფრანგ ნახევარმცველს აქტივში მოპოვებული პენალტი ჰქონდა, რომელიც კარიმ ბენზემამ აქცია გოლად, პასივში კი 28′ წუთზე მიღებული ყვითელი ბარათი.აქვე ვთქვათ, დიდიე დეშამის შეგირდებმა ის მატჩი 3-0 მოიგეს, შემდეგ შეხვედრას კი 20 ივნისს, შვეიცარიასთან გამართავენ.ასევე მოგებით დაიწყო მუნდიალი შტეფან ლიხტშტაინერმა, რომლის გუნდიც მართალია, ჯერ აგებდა, შემდეგ კი ფრესთან იყო ახლოს, თუმცა ევროპელებმა ეკვადორი მძიმე ბრძოლაში დაამარცხეს და პირველ სამ ქულას გამოკრეს ხელი.ბიანკონერების მარჯვენა ბექმა სრული, 90′ წუთი დაჰყო მინდორზე.კასერესის მსგავსად, სტარტი წარუმატებელი აღმოჩნდა კვადვო ასამოას განასთვის, რომელმაც ამერიკის ნაკრებთან 1-2 წააგო და ძლიერ ჯგუფში საქმე კიდევ უფრო გაირთულა.ასამოამ შეხვედრა სრულად ჩაატარა, მარცხენა მცველის პოზიციაზე.