ალეგრი :”არ უნდა დავკარგოთ კონცენტრაცია”

გარკვეული მატჩების ბედს სტატისტიკა, რომ განსაზღვრავდეს ალბათ ტურინულ დერბს ჩატარება არ უწერია, რადგან 2002 წლიდან მოყოლებული “ხარები” ვერაფრით ახერხებენ არა თუ დამარცხებას არამედ ზებრებისთვის გოლის გატანასაც კი. მაგრამ ეს ყველაფერი ციფრებია და დღეს ალეგრის გუნდს მძიმე ბრძოლა ელის რაც თავად მწვრთნელსაც კარგად მოეხსენება…

“ჩემთვის სტატისტიკას არანაირი მნიშვნელობა არა აქვს. როდესაც გუნდები მოედანზე გამოვლენ ყველაფერი ნულდება და შანსი ორივე გუნდს თანაბარი ეძლევა. ტორომ მშვენივრად იასპარეზა ევროპა ლიგის გათამაშებაში და საერთოდაც მათ ბრწყინვალე გუნდი ჰყავთ. სწრაფად ამოდიან დაცვიდან და შეუძლიათ მომაკვდინებელი კონტრ იერიშის განხორციელება. ვენტურას სახით თანაქალაქელებს კარგი სპეციალისტი გააჩნიათ. ელ კადურის გამოვარჩევ ბურთან კონტაქტით და იდეალური საწყისი სპრინტით, ხოლო კუალიარელაზე საუბარიც ზედმეტია. მას ნებისმიერ წამს შეუძლია ხიფათის შექმნა. შედეგად მოგვიწევს მაქსიმალურად კონცენტრირებულნი ვიყოთ და არ დავკარგოთ თამაშის სადავეები, რადგან მეტოქე ეცდება შეგვიზღუდოს თავისუფალი ზონები. ტორინო იომებს ჩვენს წინააღმდეგ”.

“ტაქტიკურ სქემაზე იმდენი ითქვა და დაიწერა, უკვე მომაბეზრებელიც კი არის ამაზე საუბარი. თუმცა, ნაყოფიერი დრო რომ გვიდგას ამის უარყოფა რთულია. ბუნებრივია მოდულის შეცვლა ყურადღებით ყოფნასაც ნიშნავს რაც თითოეულ შეხვედრაში კარგად ისახება. იცით, ჩემს განკარგულებაში მყოფი ფეხბურთელები ყოველგვარი პრობლემის გარეშე მაძლევენ საშუალებას ისე შევცვალო ტაქტიკური სქემა, როგორც მომესურვება. ეს ნებისმიერი მწვრთნელის ოცნებაა. მაგრამ ის რაც აქამდე გაკეთდა, ჯერჯერობით არაფერია და აუცილებელია კურსის ამავე გზით გაგრძელება. 1/8 ფინალში გასვლა არ არის გადაწყვეტილი, ხოლო როდესაც კალჩოში შენს უკან სულ რაღაც სამ ქულიან რადიუსში არის ასეთი რომა, მერწმუნეთ ადვილია გამარჯვებული გუნდიდან, უცბად გადაიქცე ვირების გუნდად თუ დაკარგავ კონცენტრაციას”.

პადოინი დისკვალიფიცირებულია, ხოლო ასამოა ტრავმირებული. შედეგად მარცხენა ფლანგს ევრა ჩაიბარებს:

“საბედნიეროდ ევრა დაგვიბრუნდა, რომელიც ჩვენი გუნდისთვის მნიშვნელოვანი ფიგურაა. სხვაგვარად წარმოუდგენელია, ნებისმიერ მწვრთნელს მოესურვება საკუთარ რიგებში ისეთი მოთამაშის ხილვა, რომელიც 10 წლის განმავლობაში წერდა შთამბეჭდავ ისტორიას. დღეს კი იგი მზად არის დაუმტკიცოს იუვეს, რომ არის საჭირო ელემენტი. ასამოას კი სამწუხაროდ ქირურგიული ჩარევა ესაჭიროება და გუნდს სამ თვეში თუ დაუბრუნდება. ასეა თუ ისე მარცხენა ფლანგზე გვყანან ევრა და პადოინი, რომელმაც მშვენივრად შეითავსა ახალი ამპლუა. არ დავივიწყოთ ასევე ახალგაზრდა მატიელო, რომელიც ბრწყინვალედ ჩაერთო ლაციოსთან შეხვედრაში. მარჯვენა ფლანგზე კასერესი გვიბრუნდება, რომელიც როტაციის უფლებას მოგვცემს”.

წყარო: იუვენტუსის ოფიციალური ვებ გვერდი