“იუვენტუსი” ვარჯიშს იწყებს დღეს!

არდადაგები დასრულებულია და “იუვენტუსი” მუშაობას იწყებს. იტალიის ჩემპიონები დღეს, მასიმილიანო ალეგრის მოსვლიდან ზუსტად ერთი წლის შემდეგ, ვინოვოზე დაიწყებენ ვაჯიშს. იტალიის ნაკრების ფეხბურთელები დანარჩენ გუნდს 20 ივლისს შეუერთდებიან, ამავე პერიოდში დაიწყებენ ვარჯიშს სამხრეთამერიკელები, რომელთაც “კოპა ამერიკის” გათამაშებაში მიიღეს მონაწილეობა. პირველი ამხანაგური მატჩი დორტმუნდის “ბორუსიას” წინააღმდეგ 25 ივლისს სანტ გალენში (შვეიცარია) ჩატარდება, მეორე შეხვედრას კი ბიანკონერები 29 ივლისს გდანსკში “ლეხია გდანსკის” წინააღმდეგ ითამაშებენ. შემდეგ მეტოქე 1 აგვისტოს ფრანგული მარსელის “ოლიმპიკი” იქნება, ერთი კვირის შემდეგ კი, 8 აგვისტოს ალეგრის გუნდი ჩინეთში “ლაციოს” წინააღმდეგ “სუპერ თასისათვის” სათამაშოდ ჩაფრინდება. 19 აგვისტოს, “სერია ა” -ს დაწყებამდე სულ მცირე ხნით ადრე გუნდი ვილარ პეროზაში ტრადიციულ ტურნირში მიიღებს მონაწილეობას.

წყარო: tuttosport