“იუვენტუსი” – “ბორუსია” (წინასამატჩო)

საინტერესო მატჩი გველის დღეს შვეიცარიაში. ერთმანეთის პირისპირ კარგად ნაცნობი კლუბები წარსდგებიან, რომლებიც ერთმანეთს სხვათაშორის უკანასკნელად გასულ სეზონში შეხვდნენ ჩემპიონთა ლიგის 1/8 ფინალურ სტადიაზე. საუბარი გერმანელთა მხრიდან რაიმე სახის რევანშზე უადგილოა რადგან ეს მხოლოდ ამხანაგური რანგის დაპირისპირებაა. მეორეს მხრივ ტურინელთათვის მას უდიდესი მნიშვნელობა აქვს..

პირველ რიგში სატრანსფერო კუთხით. შესაძლოა მაროტა და პარატიჩი სწორედ ამის გამო ითრევდნენ ფეხს რომელიმე ფეხბურთელის დამატებისგან, რადგან საქმეში შეხედონ ახალწვეულებს. განსაკუთრებით ეს ეხება პაულო დიბალას, რომელმაც გამოთქვა უკვე მზადყოფნა ტრეკუარტისტას პოზიციაზე ასპარეზობის. პრინციპში, არგენტინელი უნიჭიერესი შემტევის სიტყვებში დევს სიმართლის მარცვალი.. მისი სათამაშო მახასიათებლებიდან გამომდინარე პაულოს აქვს ყველა ის საჭირო თვისება რითიც შეძლებდა გამთამაშებლის ფუნქციის შეთავსებას. კარგი მოედნის ხედვა, ბურთის არაჩვეულებრივი კონტროლი და საჭირო აჩქარება. მეტი რა უნდა ინატროს პლეიმეიკერმა? ვნახოთ.. ბორუსიასთან მატჩი ბევრს თუ არა რამდენიმე საინტერესო კითხვაზე აუცილებლად გაგვცემს პასუხს..

ბევრი საუბარობს იმის საჭიროებაზე, რომ გუნდში ვიდალის შემცვლელი უეჭველად მოსაყვანია.. კი მაგრამ რატომ ივიწყებენ რობერტო პერეირას? ნაკლებად მებრძოლია, ტექნიკური თუ? მან გასულ სეზონში არაერთხელ დაგვიმტკიცა რომ მასსზე ფსონის გაკეთება გამართლებული ნაბიჯია. შესაბამისად ჩვენ არაერთხელ ვიხილავთ ნიჭიერ არგენტინელს სასტარტო შემადგენლობაში. ალბათ დორტმუნდთან შეხვედრაში მასაც ექნება კიდევ ერთი შანსი ყველას დაუმტკიცოს, რომ არ არის ხელწამოსაკრავი ფიგურა.

ტრეკუარტისტას გარდა პრობლემატურად რჩება მარცხენა ფლანგი. არავინ იცის რა აქვს ჩაფიქრებული ალეგრის. აპირებს ის კვლავინდებურად ფსონის ევრაზე გაკეთებას და ასამოას დუბლიორობას, თუ განელს მომავალ სეზონში მოედნის ცენტრში ვიხილავთ.. ნებისმიერ შემთხვევაში საღ-სალამათი ასამოა არის საიმედოობის გარანტია, ხოლო ევრა კლასის.. თუმცა გასულ სეზონში ფრანგს ბევრი პოზიციური წუნი ჰქონდა.. შესაძლოა ეს გამოწვეული იყო იმით, რომ რეალურად შემცვლელის გარეშე იასპარეზა მთელი სეზონი და არ მოხდა ძალების სწორად გადანაწილება..

ერთი სიტყვით წინ გველის საინტერესო “სატესტო” მატჩი სადაც ანგარიშზე მეტად ის არის საინტერესო როგორ და რანაირად შეუძლიათ ამა თუ იმ ფეხბურთელებს კონკრეტულ პოზიციასთან ადაპტირება..