ფეხბურთელების შეფასებები

გთავაზობთ, ტურინის “იუვენტუსის” ფეხბურთელების შეფასებებს, რომელიც გავლენიანი მილანური გამომცემლობის La Gazzetta dello Sport-ის მიერ იქნა გამოქვეყნებული სასუოლოსთან გამართული დაპირისპირების შემდეგ:

ბუფონი – 6 – რეალურად რომ ვიმსჯელოთ ერთადერთი ეპიზოდი, რომელიც მეტოქისგან შეიქმნა იყო სანსონეს უზადოდ შესრულებული საჯარიმო დარტყმა.. აუღებელი ბურთი.

ბარძალი – 6.5 (საუკეთესო ფეხბურთელი) – წყალქვეშა ნავი.. ვერავინ ამჩნევს, მაგრამ იქ ჩნდება სადაც გუნდს სჭირდება. თავდაპირველად დაცვის ტრიოში მარჯვნივ ირჯებოდა, ხოლო შემდეგ ბონუჩისთან შექმნა ცენტრალური დუეტი. ყველგან საიმედოა.

ბონუჩი – 6 – იყო ეპიზოდი როდესაც ფლოკარიმ ააცალა ბურთი და თითქოს ეს მატჩი არ იქნებოდა მისი.. თუმცა, შემდგომ მეტოქს ტოლს არაფერში უდებს და სასუოლოს თავის აწევის საშუალებას არ აძლევს.

კიელინი – 4.5 (მატჩის ყველაზე სუსტი მოთამაშე) – ბერარდიმ სიცოცხლე გაუმწარა და შედეგად მეორე ყვითელიც გამოძალა ჯერვასონის. უმჯობესი იყო ნერვებს არ აყოლოდა.. სხვათაშორის ასეთი რამ ბოლოს შორეულ 2007 წელს მოხდა..

ალექს სანდრო – 5.5 – ერთი ხეირიანი ჩაწოდება 35 წუთის მანძილზე.. საკმარისი თამაშის სცენარის შესაცვლელად ნამდვილად არ არის. ჯერჯერობით შორსაა იმ სანდროსგან, რომელიც პორტუგალიაში ფლანგებს “აწიოკებდა”.

კუადრადო – 6 – უცნაური მატჩი.. ინერტულიც.. პირველ ნახევარში საერთოდ არ ჩანდა და უფრო მეტიც, რამდენიმე ეფექტური კონტრ იერიში დაღუპა. მეორე ნახევარში გამოსწორდა.. გააქტიურად და ინდივიდუალურადაც ატყუებდა მოთამაშეებს, თუმცა..

სტურარო – 6 – 14 არაზუსტი გადაცემა.. სხვათაშორის ბევრად უკეთესი იყო მარჯვენა მცველის პოზიციაზე.

ლემინა – 5 – კიელინის მსგავსად ნერვებს აყოლილი და ჯერვასონიმ აშკარად დაინდო, როცა სასტვენის შემდეგ ბურთის მოგერიებისას ბარათი არ უჩვენა. შიგა და შიგ ცდილობდა დირიჟორობას.. ერთი კარში დარტყმაც მიითვალა.

პოგბა – 5.5 – შესაძლოა მარცხნივ ასპარეზობა მის ეფექტურობას ამცირებს. თუმცა, დამტრყმელთაგან ყველაზე სახიფათოა და მის მიერ შესრულებული ერთ-ერთი მათგანი აუცილებლად უნდა გამხდარიყო გოლის მომტანი.

მანჯუკიჩი – 5 – ეს არის პერიოდი, როდესაც იუვე და მარიო საერთოდ ვერ უგებენ ერთმანეთს. 11 არაზუსტი გადაცემა 1 საათში და ვერ უსწრებს საკმაოდ კარგ ჩაწოდებას. მცირეოდენი დროა საჭირო.

დიბალა – 5.5 – მარჯვნივ, მარცხნივ, ცენტრში.. ყველგანაა და ცდილობს ბურთი მოძებნოს და გუნდს შეტევის ორგანიზებაში დაეხმაროს. ქუსლით ბურთის გაჩერება აპლოდისმენტებს კი იმსახურებს, მაგრამ პაოლო.. კარში დარტყმების მომატებაა საჭირო.

მორატა – 5.5 – კურვა იუვეს ფანებთან ერთად იმედიანად ხვდებოდა ესპანელს.. გამოვა და საქმეს მიხედავსო, მაგრამ მატჩი ისე დასრულდა კარშიც ვერ დაარტყა.

ძაძა – შეფასების გარეშე – 12 წუთი ძირძველ არენაზე.. სხვათაშორის სასუოლოს რიგებიდან კი აქვს იუვესთვის გოლი გატანილი, მაგრამ სხვა ფერის მაისურით ამის გაკეთება ვეღარ მოახერხა.

ჰერნანეში – შეფასების გარეშე – ალეგრის ბოლო შეცვლა. დრო მხოლოდ ერთი შორეული დარტყმისთვის და ტიფოზების მხრიდან სტვენისთვის ეყო..

ალეგრი – 5.5 – 80 დღე დედამიწის გარშემო.. 5 აგვისტოს იტალიის სუპერ თასსზე იხეირა, ხოლო შემდეგ ადგა და ჩემპიონატის ლიდერს -11 ქულით ჩამორჩა.. თან პროვინციაში.. იუვეს იბრძვის მაგრამ მხოლოდ სამი დარტყმა საქმეს ვერ უშველის.