Mad Max:”ბაიერნს პრობლემებს შევუქმნით”

მასიმილიანო ალეგრის ძალიან კარგად ესმის შექმნილი მდგომარეობის სიმძიმე, თუმცა ტოსკანელი სპეციალისტი ცდილობს საკუთარ ფეხბურთელებს სრულად მოაშოროს ფსიქოლოგიური წნეხი..

“მოედანზე უნდა გავიდეთ ცივი გონებით და უბრალოდ ვითამაშოთ საკუთარი სიამოვნებისთვის. დარწმუნებული ვარ ქომაგი კარგ მატჩს იხილავს იუვეს შესრულებით, ხოლო მსაჯის სასტვენის შემდეგ ერთად ვიხილავთ რასაც მივაღწევთ.

დიბალა? მას კუნთთან დაკავშირებით აქვს პრობლემა და მერწმუნეთ, სეზონის დარჩენილ ნაწილს საფრთხის ქვეშ ვერ ჩავაგდებდით.. რეალურად არის იმის საშიშროება, რომ თუ პაულო გერმანელთა წინააღმდეგ დაზიანებას მიიღებდა, იგი გაცილებით დიდი პერიოდით ჩამოშორდებოდა გუნდს..

საბედნიეროდ ბრწყინვალე ფორმაში იმყოფება მორატა, რომლის სათადარიგოთა სკამზე დატოვება ჩემთვის მეტად პრობლემატური იქნებოდა. მანჯუკიჩი? მის მდგომარეობას ხვალ შევაფასებ.. საერთოდ, სიმართლე გითხრათ ამ საღამოს ნაკლებად მგონია რომ დავიძინო..

ჩემპიონთა ლიგაზე როგორც საკუთარი თავისთვის, ასევე სრულიად იტალიისთვის ვიბრძვით, რადგან კიდევ ერთი ადგილის მოპოვება, კალჩოსთვის წინ გადადგმული ნაბიჯი გახდება..

ბაიერნი? ნაკლებად მგონია, რომ გერმანელები არ გვაფასებდნენ.. ჩემპიონთა ლიგის 1/8 ფინალურ სტადიაზე ასეთი რამ გაუგონარია.

ტრავმების გამო განწირულნი ვართ? ბევრჯერ მოვისმინე.. მაგრამ სისულელეა.. იუვენტუსი სწორი განწყობით გამოვა მოედანზე და პრობლემებს შეუქმნის ბუნდეს ლიგის მოქმედ ჩემპიონებს. პირველ შეხვედრაში ჩვენი მტკიცე ხასიათი ბრწყინვალედ წარმოჩინდა, როდესაც 0-2-დან გუნდმა ჩემპიონური სულისკვეთება გამოავლინა. ერთი რამ ცხადია.. ევროპა კალჩოსგან რადიალურად განსხვავდება..”