იტალია 1/8 ფინალში ხორვატიას ან ჩეხეთს შეხვდება

მას შემდეგ, რაც ბელგიის ეროვნულმა ნაკრებმა ირლანდია 3-0 გაანადგურა, იტალია საკუთარი ჯგუფის პირველადგილოსანი გახდა, უკვე ოფიციალურად.ევროპის ჩემპიონატის ჯგუფურ ეტაპზე ერთნაირი ქულების შემთხვევაში უპირატესობა ურთიერთშეხვედრებს ენიჭება და იტალიამ ბოლო ტურში რომც წააგოს, ბელგიამ კი შვედებს მოუგოს, ორივე გუნდს 6-6 ქულა დაუგროვდება და პირველ ადგილზე მაინც სკუადრა აძურა გავა, აი, ვინ დაიკავებს მეორე და მესამე ადგილებს კი ჯერაც საკითხავია.

ჯგუფიდან კონტეს გუნდი გავიდა, რა მოხდება 1/8 ფინალებში : წესდების თანახმად, E ჯგუფის პირველადგილოსანი D ჯგუფის მეორე ადგილოსანს ხვდება, წესით, ხორვატიას ან ჩეხეთს.ამ ჯგუფში საკმაოდ დაძაბული ვითარებაა, თურქებმა საწყისი ორი შეხვედრიდან ორივე წააგეს, თუმცა შემდეგ ეტაპზე თამაშის შანსი მაინც აქვთ, ამისთვის მესამე ტურში ჩეხეთი უნდა დაამარცხონ.ესპანეთი ამ მომენტისთვის ჯგუფის ლიდერია 6 ქულით, მეორეზე ხორვატიაა 4 ქულით, მესამეზე ჩეხეთი ერთი ქულით და ბოლოზე, როგორც გითხარით, თურქები უქულოდ.21 ივნისს ერთმანეთს ესპანეთი-ხორვატია და ჩეხეთი-თურქეთი დაუპირისპირდება, თუ ხორვატიამ ესპანეთს მოუგო ჯგუფის გამარჯვებული გახდება და იტალიას ფურია როხა შეხვდება, თუ პირიქით მოხდა, პარალელურად კი ჩეხებმა თურქები ორბურთიანი ჰანდიკაპით დაამარცხეს, სკუადრა აძურა ჩეხეთს შეხვდება შემდეგ ეტაპზე.ჩეხეთსა და ხორვატიას შორის მატჩი ფრედ დასრულდა და ასეთ შემთხვევაში გადამწყვეტი როლი ბურთების შეფარდებას ენიჭება, ამ მომენტისთვის ჩეხეთის ბურთების შეფარდება -1, ხორვატებისა კი +1. აღსანიშნავია, რომ ორივე ეს გუნდი შემდეგი ტურის მატჩებს დანაკლისით ხვდება, ჩილიჩის გუნდს შესაძლოა მანჯუკიჩი და მოდრიჩი დააკლდეს ტრავმების გამო, ჩეხების რიგებში კი ლიდერის, როსიჩკის თამაშია გამორიცხული.