#ForzaBenatiaDay – ბენატია ტურინში სამედიცინო შემოწმებას გადის

მეჰდი ბენატიას პირველი ტურინული დღე იწყება..

11:25 სთ – სამედიცინო ცენტრთან მივიდა მეჰდი ბენატიაც.ადგილზე მას რამდენიმე ათეული გულშემატკივარი დახვდა.მაროკოელი მცველი ჯერ სამედიცინო შემოწმებას გაივლის, შემდეგ კი კონტრაქტს მოაწერს ხელს.

11:05 სთ – ყველასთვის მოულოდნელად, კლინიკაში მივიდა როჯერიო ოლივეირა და სილვაც, ახალგაზრდა მცველი, რომელიც “იუვენტუსმა” იანვარში შეიძინა.სეზონის მეორე ნახევარი მარცხენა ფლანგელმა “სასოულოს” პრიმავერაში გაატარა და დღეიდან მასიმილიანო ალეგრის გუნდთან ერთად ვინოვოს ბაზაზე ივარჯიშებს.

10:55 სთ – დაახლოებით 60 გულშემატკივარი JMedical – ის წინ მეჰდი ბენატიას მისვლას ელოდება.მაროკოელის ავტომობილი რამდენიმე წუთში უნდა მივიდეს დანიშნულების ადგილზე.

10:10 სთ – მეჰდის სასტუმროსთან ჟურნალისტები დახვდნენ, თუმცა მაროკოელს ინტერვიუ არ მიუცია და უსიტყვოდ გაეშურა შესასვლელისკენ.

10:00 სთ – ბენატიას თვითმფრინავი ტურინის აეროპორტში დაეშვა, სადაც მას ბიანკონერების წარმომადგენლები დახვდნენ და სასტუმროში გადაიყვანეს.11:00 სთ – ისთვის დაგეგმილია სამედიცინო შემოწმების გავლა, შემდეგ ოფიციალური კონტრაქტის გაფორმება და პრეზენტაცია.