ტრავმირებული კიელინი ბონუჩიმ ჩაანაცვლა

მასიმილიანო ალეგრიმ ტრავმირებული ჯორჯო კიელინის ნაცვლად განაცხადში ლეონარდო ბონუჩი შეიყვანა..

იტალიის ეროვნული ნაკრების მესამე ნომერმა დაზიანება დღევანდელ ვარჯიშზე მიიღო და “უდინეზესთან” მატჩს გამოტოვებს, მის ნაცვლად კი გუნდის განკარგულებაში ბონუჩი დაბრუნდა.ლეონარდოს ალეგრიმ დასვენების საშუალება მისცა, თუმცა გაუთვალისწინებელი ტრავმიდან გამომდინარე იტალიელს თამაში მაინც მოუწევს.

ჯორჯოს მდგომარეობა დღეს შეფასდება და გაირკვევა, მიიღებს თუ არა ფეხბურთელი მონაწილეობას “ლიონთან” დაპირისპირებაში, რომელიც სამშაბათს გაიმართება.