ფიორენტინა – იუვენტუსი (პროგნოზი)

დღეს, იტალიის ჩემპიონატის მე-20 ტურში ტურინის იუვენტუსი სტუმრად ფლორენციის ფიორენტინას დაუპირისპირდება. შეხვედრა თბილისის დროით 23.45 წუთზე დაიწყება.

გთავაზობთ იტალიური მედიის პროგნოზს.

სავარაუდო ანგარიში 1:2 – ფლორენციაში იუვენტუსს ნამდვილად არ უყვართ. გუნდის და მთლიანად ქალაქის მიზანი მოქმედი ჩემპიონების შეჩერება იქნება. ამასთან “იებს” ქულები სასიცოცხლოდ ესაჭიროებათ, რადგან ისინი მხოლოდ მე-9 ადგილზე არიან და ევროზონას საკმაოდ ჩამორჩებიან.

ევროპა ლიგის გარეშე დარჩენა ფიორენტინასთვის საშინელება იქნება. პაულო სოუზას თავზე ღრუბელი ახლოვდება. იტალიის თასზე გუნდმა გაჭირვებით დაამარცხა კიევო(1:0). შეხვედრის ერთადერთი გოლი, დამატებით წუთზე, ფედერიკო ბერნარდესკიმ 11-მეტრიანის ნიშნულიდან გაიტანა.

შეტევაში ბევრი რამ იქნება დამოკიდებული კალინიჩზე, რომლის მომავალიც ასევე ბურუსით არის მოცული. ხორვატი შემტევი ჩინეთის ჩემპიონატთან საკმაოდ ახლოს არის, სადაც შესაძლოა პარტნიორობა ტურინის იუვენტუსის ყოფილ სამიზნეს აქსელ ვიტსელს გაუწიოს.

ტურინელთა მდგომარეობას კი დეტალური აღწერა ნამდვილად არ სჭირდება: ბიანკონერი ბრწყინვალე სვლას განაგრძობს. მათი გამარჯვებების სერია ამ დროისთვის 6-მდე აღწევს. გუნდს 6 კვირიანი ტრავმის შემდეგ ლეონარდო ბონუჩი დაუბრუნდა. გამოჯანმრთელდა ბუფონიც, რომელმაც ბოლო შეხვედრა გაციების გამო გამოტოვა.

შეტევაში მასიმილიანო ალეგრის საკმაოდ დიდი თავსატეხი აქვს: უნდა გადაწყვიტოს და მანჯუკიჩი-იგუაინიდან ერთ-ერთი სათადარიგოთა სკამზე დატოვოს.

დანაკლისი, რა თქმა უნდა, არის. ალვეში კვლავ ლაზარეთშია, ლიხშტაინერი დისკვალიფიცირებულია, ბენატია და ლემინა კი – აფრიკის თასზე იმყოფებიან. ყველაფრის მიუხედავად ტურინული გრანდი აშკარა ფავორიტია.

იტალიური ბუკმეიკერების კოეფიციენტები:
ფიორენტინა – 4.57
ფრე – 3.59
იუვენტუსი – 1.81