ბონუჩი: “სიტი? ჩემი გული იუვეს ეკუთვნის”

ბონუჩიმ სატრანსფერო ჭორებს ბოლო მოუღო…

ტურინის იუვენტუსის მცველმა ლეონარდო ბონუჩიმ აღიარა, რომ მანჩესტერ სიტისთვის უარის თქმა გაუჭირდა, თუმცა გულმა ყველაფერი უკარნახა.

ცენტრალური მცველის მიმართ დიდ ინტერესს იჩენდა “ქალაქელთა” თავკაცი პეპ გუარდიოლა და ინგლისურმა მხარემაც ყველა ღონე იხმარა, რათა იტალიელი კუნძულზე აღმოჩენილიყო.

“ჩემში და ჩემს გულში ზედმეტად დიდი დოზითაა იუვენტუსი. ყოველ ჯერზე, როდესაც ამ ფორმას ვიცვამ, ის მე წარმოუდგენლად დიდ ენერგიას მაძლევს..

ვიმედოვნებ, რომ იუვესთვის ისეთივე მნიშნვნელოვანი ვარ, როგორიც იუვეა ჩემთვის. მანჩესტერ სიტი? ეს მარტივი არჩევანი არ იყო. როდესაც ხედავ, რომ მსოფლიოს ერთ-ერთი საუკეთესო მწვრთნელი ასეთ პატივისცემას გამოხატავს, უარის თქმა რთულია, მაგრამ ჩემმა გულმა სხვა არჩევანი გააკეთა.”