იუვენტუსი 2:0 ემპოლი (შეფასებები)

გთავაზობთ, tuttosport-ის მიერ გამოქვეყნებული ფეხბურთელთა შეფასებებს ემპოლისთან შეხვედრაში…

ნეტო 6 – ემპოლი მის კარს იშვიათად ემუქრებოდა. ბრაზილიელი თამაშში მხოლოდ ერთხელ, მატჩის მიწურულს ჩაერთო.

დანი ალვეში 6.5 – კარგად გამოიყურება შეტევაში. უკეთებს საგოლე გადაცემას ალექს სანდროს. პასკუალს მის წინააღმდეგ თამაში გაუჭირდა.

ბონუჩი 6.5 – პორტოსთან გამოტოვებული შეხვედრის შემდეგ თამაშობს მარტივად და თავდაჯერებულად.

რუგანი 6.5 – მისი ყოფილი კლუბის წინააღმდეგ ბრწყინვალედ გამოიყურება. ნელ-ნელა დაცვის ლიდერად ყალიბდება.

ალექს სანდრო 7.5(საუკეთესო მოთამაშე) – სისწრაფე, ტექნიკა. ბრაზილიელი შეუძერებელია. გააქვს ბრწყინვალე გოლი ცენტრფორვარდის სტილში.

პიანიჩი 6.5 – ასპარეზობს რეჯისტას პოზიციაზე. ხშირად უწევდა ბრძოლებში შესვლა ბურთის მოსაპოვებლად.

მარკიზიო 6 – დაკარგა იმაზე ბევრი ბურთი, ვიდრე მას სჩვევია.

სტურარო 6 – ასპარეზობს ვინგერის პოზიციაზე. ეხმარება მანჯუკიჩს სივრცეების გათავისუფლებაში.

კუადრადო 7 – სუპერ ტექნიკა. მისთვის რამდენიმე მეტოქის გამკლავება პრობლემას არ წარმოადგენს.

იგუაინი 6.5 – დღეს გოლი ვერ გაიტანა, თუმცა გუნდისთვის ბევრი იმუშავა. ამარაგებდა გადაცემებით მანჯუკიჩს.

მანჯუკიჩი 7 – გატანილი გოლი, რომელიც საბოლოოდ მეკარეს ჩაეთვალა. დაუბრუნდა ცენტრფორვარდის პოზიციას, თუმცა რამდენიმე მომენტში ნამდვილი ცხრიანივით ვერ იმოქმედა. დიბალას შემოსვლის შემდეგ გადადის ვინგერად, რასაც თავს საუკეთესოდ ართმევს.

დიბალა 6.5 – ტრადიციულად მეტოქის მცველებისათვის ერთ-ერთი ყველაზე სახიფათოა.

ალეგრი 6.5 – დიბალას და ხედირას დასვენების საშუალება მისცა.პირველ ტაიმში სტურაროთან ერთად 4-2-3-1 ტაქტიკაში გუნდი ცოტათი ინერტული ჩანდა, თუმცა მეორე ნახევარში ტურინელებმა მოუმატეს და შედეგი სახეზეა. + 10 ქულა რომასთან.