ალეგრი : “ჩემს მომავალზე საუბრის დრო ახლა არაა”

“უდინეზესთან” მატჩამდე ერთი დღით ადრე ტურინის “იუვენტუსის” მთავარი მწვრთნელი, მასიმილიანო ალეგრი ჟურნალისტებს შეხვდა..

“ამ მომენტისთვის მხოლოდ მიმდინარე სეზონზე ვფიქრობ და არ მსურს საუბარი ჩემს მომავალზე.ზაფხულში კლუბის პრეზიდენტს შევხვდი და მას ვუთხარი, რომ იუვენტუსში დარჩენა მსურდა, როცა შესაფერისი მომენტი დადგება, მზად ვარ ხელმძღვანელობის წინაშე კიდევ ერთხელ წარსვდგე.ახლა სეზონის უმნიშვნელოვანესი პერიოდი გვიდგას, ნელ-ნელა თითოეულ ტურნირზე ბრძოლა გადამწყვეტ ფაზაში შედის, ასე რომ, მხოლოდ ამაზე უნდა ვიყოთ კონცენტრირებულნი.ჩემი მომავალი ახლა უდინეზესთან დაპირისპირებაა, შემდეგ ვნახოთ..”

“წინ რამდენიმე რთული მატჩი გველის და რა თქმა უნდა ვეცდები, შემადგენლობა შეძლებისდაგვარად გადავახალისო.იგუაინი ხვალ ითამაშებს, შემდეგ შეხვედრაში შეიძლება დავასვენო, ფორმაშია მარკიზიოც, იგი ხვალ სასტარტოში იქნება, თუმცა ჯერ უნდა გადავწყვიტო, ვინ შეუწყვილდება კლაუდიოს.რამდენიმე საკითხი ჯერაც გასარკვევია, მაგალითად, ბენატია დაიწყებს თუ კიელინი.სკუდეტოს მოსაპოვებლად ჯერ კიდევ უნდა გამარჯვებებია საჭირო, უდინეში კი მარტივი სამი ქულის მოპოვება შეუძლებელია.მახსოვს შარშან, ფრიულიზე მოპოვებული გამარჯვებით სამეულში გასვლა გავინაღდეთ, ახლა იმავე სტადიონს მნიშვნელოვანი სერიის გასაგრძელებლად ვეწვევით.”

გთავაზობთ “იუვენტუსის” განაცხადს : ბუფონი, ნეტო, აუდერო; კიელინი, ბენატია, ალექს სანდრო, ბარძალი, ბონუჩი, დანი ალვეში, რუგანი, ლიხტშტაინერი; პიანიჩი, ხედირა, კუადრადო, მარკიზიო, ასამოა, რინკონი; იგუაინი, მანჯუკიჩი, პიაცა, დიბალა