იუვენტუსი 3-0 ბარსელონა (შეფასებები)

გთავაზობთ ტურინელი ფეხბურთელების შეფასებებს ბარსელონასთან ჩატარებული მატჩის შემდეგ:

ბუფონი – 8.5 – იგი წინ აღუდგა ინიესტას და სუარესის დარტყმულებს.. ჯიჯი რჩება იმ დიდ ფიგურად, რომელსაც მესისგან გოლი არ მიუღია..

დანი ალვეში – 7 – თავდაპირველად ნერვოზული მოთამაშის შთაბეჭდილებას ტოვებდა, თუმცა თუ საერთო ჯამში შევხედავთ მოედანზე არსებულ სიტუაციას, ნათელი გახდება, რომ მან თანამემამულე ნეიმართან პრინციპული ორთაბრძოლა მოიგო.

ბონუჩი – 7.5 – ელეგანტური, უშიშარი და ცივსისხლიანი.. კარგია ართმევაზე, ზონურ ასპარეზობაში და .. გულის აჩქარების და მიუხედავად, მოკლე გადაცემებზე უარს არ ამბობდა..

კიელინი – 8.5 – შორეული 2014 წლის მუნდიალის შემდეგ არ შეხვედრია სუარეს პირისპირ.. მოგეწონათ მათი დუელი? ჯორჯომ ყველაფერთან ერთად ზუსტი თავური დარტყმით ანგარიში 3-0 გახადა!

ალექს სანდრო – 7.5 – მის წინააღმდეგ მესი და რაკიტიჩი ასპარეზობდნენ.. ბრაზილიელი უსაზღვროდ კონცენტრირებული და მიზადასახული ჩანდა.. საჭიროებისამებრ ცდილობდა თანაგუნდელების დახმარებას შეტევაშიც..

ხედირა – 7.5 – ტაქტიკურად განსწავლული! ჭკვიანი და პროდუქტიული.. ნამდვილი ბეტონი ბარსასთვის მოედნის ცენტრალურ ზონაში. საჭირო დროს, საჭირო ადგილას.. თქვენს წინაშეა სამი ხედირა!

პიანიჩი – 7.5. – მისი საფეხბურთო ინტელექტიდან და შესრულების დონიდან გამომდინარე მირალემი ბარსასთან გაცილებით კონსერვატიულად გამოიყურებოდა. ალეგრის დავალებები ზედმიწევნით კარგად შეასრულა.

კუადრადო – 8 – საჭიროებისამებრ რთავს სიჩქარეში და გუნდს სივრცეებს უქმნის. პირველი გოლის დროს საგოლე გადაცემა დიბალაზე სწორედ კოლუმბიელმა მიითვალა.

დიბალა – 9 – ორი გოლი სუპერ კლუბის კარში და ფასი მინიმუმ 100 მილიონი! მესი და რონალდუ.. გოლები გვერდით გადავდოთ და ჯერ მარტო მის წინააღმდეგ თამაშის წესების დარღვევას მივაქციოთ ყურადღება!

მანჯუკიჩი – 8 – საგოლე გადაცემა დიბალაზე და 2-0! ბრძოლა და ინტელექტი.. როგორ დაიჭირა მესი პირველ ტაიმში? ხელის გადახვევა, არგენტინელის აგრესია და მანჯუკიჩის პასუხი! ეს ყველაფერი საფეხბურთო გალერეას დიდხანს შემორჩება.

იგუაინი – 6.5 – შანსები ნამდვილად ჰქონდა, თუმცა.. რაც არ უნდა იყოს იგი ამ დიდი იუვენტუსის მნიშვნელოვანი წევრია.