პიანიჩი: “ახლა ლიგის დროა”

მირალემ პიანიჩის ფიქრები ჩემპიონთა ლიგის ფინალს უკავშირდება…

ტურინის იუვენტუსის ნახევარმცველის მირალემ პიანიჩის თქმით, როდესაც ის ბიანკონერების რიგებს შეუერთდა, პრეზიდენტმა გაუმხილა, რომ მას რეკორდული სკუდეტოს მოგება სურდა. ახლა კი მთელი აზრებით ლიგის ფინალშია.

“ეს საოცარი კვირა იყო. ჩვენ მოვიგეთ იტალიის თასი და სკუდეტო. ეს მთელი წლის შედეგია, რაშიც ჩვენი მონდომება და თამაშის ხარისხი იგრძნობა..

ეს დღე კლუბისთვის და მოთამაშეებისთვის განსაკუთრებულია. პირველივე დღეს, როდესაც იუვენტუსში მოვედი, პრეზიდენტმა მითხრა, რომ მას რეკორდის დამხობა და ზედიზედ მე-6 სკუდეტოს მოპოვება სურდა. ახლა მთლიანად ლიგაზე ვფიქრობ და შინ ტიტულით დაბრუნება მსურს.”