კიელინი: “გამარჯვება – ჩვენი მოვალეობაა”

ჯორჯო კიელინიმ ინტერვიუ მისცა ქალთა გუნდის ფეხბურთელს – სიმონა სოდინის, რომელსაც კლუბის მთავარ იდეოლოგიაზე ესაუბრა…

“იუვენტუსში” მოგება – პრაქტიკულად მოვალეობაა. როდესაც შენ მოიგე, გრძნობ, თითქოს შენ მოიხადე მოვალეობა, ეს მეტია, ვიდრე აღფრთოვანება, ეს რელაქსაციაა თვეობით მუხლმოუხრელი შრომის შემდეგ. “იუვენტუსში” ამდენი წელი რომ იმყოფებოდე, უნდა გაგაჩნდეს გარკვეული პიროვნული წყობა, ასევე ყოველდღე უნდა მოახდინო ფეხბურთისადმი ჟინის დემონსტრირება. ყველა მუშაობის შედეგი – მოედანია. შენ ყოველთვის იმედი გაქვს, რომ არ წააგებ, მაგრამ სიმართლე იმაშია, რომ დამარცხება შენ სწორ იმპულსებს გაძლევს და გეხმარება ფოკუსირებაში.

თავდამსხმელების აყვანა გამოწვევაა. უნდა განსაზღვრო თავდამსხმელის მოქმედება, გრძნობდე მის მოძრაობას და არ მისცე საშუალება გაიტანოს. უნდა გითხრათ, რომ მე ახლა კარგი ურთიერთობები მაქვს სხვა გუნდის თავდამსხმელებთან, ასაკმა საშუალება მომცა გავზრდილიყავი ამ მხრივ. ახალგაზრდობაში გაცილებით უფრო მებრძოლი ვიყავი. იყო მცველი – ეს ცხოვრების სტილია მოედანზე. სიამოვნებას უნდა იღებდე იქიდან, რომ არ გაატანინე მეტოქეს. ეს თითქოს დუელის მოგებას ჰგავს, თავდამსხმელს ხომ სურს რომ გაგანადგუროს.”