ალეგრი: “ჩემი ამოცანაა – ისეთი ფეხბურთელები დავაყენო, რომელთაც ერთად შეუძლიათ იყვნენ მოედანზე.”

მაქს ალეგრის მატჩისწინა ინტერვიუ.

“ბუფონი, ჰიოვედესი და დე შილიო ვერ ითამაშებენ ხვალ. მანჯუკიჩი და კუადრადო გუნდთან ერთად ვარჯიშობდნენ, მაგრამ დღევანდელი ვარჯიშის შემდეგ გაირკვევა საბოლოოდ, რამდენად მზად არიან სათამაშოდ.

ხვალინდელ თამაშს რაც შეეხება, ნახევარ შემადგენლობაზე გადაწყვეტილება უკვე მივიღე. დანარჩენებს დღეს გავარკვევ. შესნი, ბენატია, კიელინი, სანდრო და იგუაინი ითამაშებენ.

მანჯუკიჩი, როცა თამაშობს, ტექნიკას და ფიზიკას გვმატებს, მაგრამ თუ მას არ ავირჩევ, მოედანზე დიდი სისწრაფის მქონე ფეხბურთელს გამოვიყენებ. გადაწყვეტილება იმაზეც იქნება დამოკიდებული, თუ ვინ იქნება უკან. კუადრადოს შეუძლია ხვალ ფულ-ბექი ითამაშოს, მაგრამ ლიხშტაინერის მდომარებასაც შევაფასებ და იმაზეც ვიფიქრებ, ხომ არ ჯობია ფლანგზე ბარძალი დავაყენო. ჩემი ამოცანაა – ისეთი ფეხბურთელები დავაყენო, რომელთაც ერთად შეუძლიათ იყვნენ მოედანზე.

დიბალას და მანჯუკიჩს შეუძლიათ 4-3-3 სქემაში ერთად ითამაშონ, ეს დამოკიდებულია იმაზე, თუ ვინ იქნება მარჯვენა მცველი და როგორ ითამაშებს მოწინააღმდეგე. რაც შეეხება პაულოს, ბედნიერი ვარ, რომ გოლი გაიტანა. მან წელს 38 მატჩში ითამაშა, გაცილებით მეტი, ვიდრე ბევრმა მოთამაშემ და ნორმალურია, ხანდახან სკამზე თუ აღმოჩნდება.

“ჯენოასთან” ყველამ კარგად ითამაშა, სტურარო და მარკიზიოდან ბენტანკურამდე, ლიხშტაინერმა, ასამოამ, ბერნარდესკიმ…

ბერნარდესკი ძალიან გაიზარდა. მან კარგი თამაში ჩაატარა “ჯენოასთან”. ფედერიკოს ძალიან კარგი ფიზიკური და ტექნიკური მონაცემები აქვს და პროგრესს განიცდის, განსაკუთრებით მენტალურად. 

ახლა არ ვუშვებთ იმდენს, რამდენსაც სეზონის დასაწყისში? სეზონი მომენტებისგან შედგება, როგორც მცველებისთვის, ისევე სხვა დანარჩენი მოთამაშეებისთვის. არ უნდა იყოს არანაირი ჩაგდება, უნდა ვმართოთ მომენტები და გუნდის მდგომარეობა.

“რომა” ერთ-ერთი ფავორიტია სკუდეტოსთვის. დი ფრანჩესკო ამტკიცებს თავის ტექნიკურ და ტაქტიკურ ხარისხს, რასაც “სასუოლოში” აჩვენებდა. მას ასევე შეუძლია იპოვოს ბალანსი, რაც ძალიან ძნელია. მათი შედეგები ჩანს, რადგან “რომა” ფიზიკურად ძლიერი გუნდია, ისინი ცოტას უშვებენ, განსაკუთრებით გასვლაზე, რაც ამტკიცებს, რომ ძალიან დაბალანსებული გუნდია.

ძლიერ გუნდებს შორის დიდი თამაშები ყოველთვის თანაბარია. ნახეთ “ნაპოლის” და “ინტერის” წინააღმდეგ თამაშები. ვფიქრობ, ასეთი თანაბარი თამაში იქნება “რომასთანაც.”