ალეგრი:”ვამაყობ ბიჭების ხასიათით!”

ალეგრი ლაციოსთან მატჩზე:

“აი ამაში იმალება ფეხბურთის მშვენიერება.. ლაციოსთან სუპერ თასი ბოლო წუთზე დავთმეთ, აქ კი სამი ქულა ასევე უკანასკნელ წამებზე მოვიპოვეთ.

მატჩი რთული გამოდგა, რადგან მეტოქე სატურნირო ცხრილში მესამე პოზიციაზე იმყოფება.. ლაციალეს მოთამაშეები ფიზიკურად შესანიშნავად იყვნენ მომზადებულები და მათი ნახევრის გადალახვა იოლი არ იყო. გასახდელში ბიჭებს ვუთხარი, რომ ასეთ დროს ერთმა ეპიზოდმაც კი შეიძლება ყველაფერი გადაწყვიტოს.

შესაძლოა ტექნიკური თვალსაზრისით ცუდად წარმოვაჩინეთ თავი და მეტოქეს ბურთს ხშირად ვუთმობდით, თუმცა ფაქტია ლაციო კონტრშეტევებზე ძალიან სახიფათოა.. ეს ცარიელი სიტყვები არ არის, რადგან სუპერ თასსზე საკუთარ თავზე გამოვცადეთ..

საკუთარი შეგირდების ხასიათში ეჭვი საერთოდ არ მეპარება.. მათ ამის დემონსტრირება კიდევ ერთხელ მოახდინეს! დიბალასთვის და თითოეული ჩვენთაგანისთვის ამ გოლს დიდი მნიშვნელობა გააჩნია.

ოთხშაბათს სხვაგვარად მიდგომა იქნება საჭირო, რადგან ტოტენჰემი ლაციოს მსგავსად არ დაიცავს თავს”.