ალეგრი:”ვამაყობ ბიჭებით, რომლებიც საოცარ ისტორიას წერენ”

მასიმილიანო ალეგრის საინტერესო კომენტარი, რომელიც ზედიზედ მეოთხედ მოპოვებული იტალიის თასის შემდეგ გააკეთა:

“ჩვენ ვსაუბრობთ გუნდე, რომელიც საოცარ ისტორიას წერს! ბიჭები კომპლიმენტებს იმსახურებენ ყველა იმ ჯილდოსთვის, რომელიც უკანასკნელ წლებში მოიპოვეს.

საფეხბურთო სამყაროში მარცხი საკმაოდ ნორმალური მოვლენაა, რადგან ჩვენს გარდა სხვა გუნდებიც არსებობენ.. წარმატებისთვის რამდენიმე ფაქტორია მნიშვნელოვანი და ერთ-ერთი მათგანი არის მოტივაცია.. მას სეზონის წარმატებულ მსვლელობაზე სერიოზული ზეგავლენის მოხდენა შეუძლია.

საქმე იმაში არ მდგომარეობს, რომ იუვენტუსი მოედანზე მხოლოდ გამარჯვებისთვის უნდა გავიდეს, არამედ ხალხში გაჩნდა განცდა, რომ ეს ჩვეულებრივი მოვლენაა.. მერწმუნეთ თითოეული მატჩი გამორჩეულია და გამარჯვების მოპოვება არცერთ მათგანში არ არის იოლი.. ეს ხომ ფეხბურთია, ყველაზე არაპროგნოზირებადი სპორტის სახეობა.

დიახ, გონსალოს ბუნებრივია სკამზე ყოფნა არ ესიამოვნა, მაგრამ ამ კონკრეტულ შემთხვევაში უპირატესობა მივანიჭე დასვენებულ იგუაინს, რომელიც საჭიროებისამებრ მნიშვნელოვან იმპულს შემატებდა გუნდს მეორე ტაიმში.. თუმცა, მატჩი ისედაც კარგად წარიმართა და მას პოზიტიური 15 წუთი შეხვდა.

აუცილებელია შეხედოთ დადებით ეპიზოდებს, როდესაც რაიმე ციკლის დასასრულს საუბრობთ.. გუნდს, რომელსაც ზედიზედ შვიდი ტიტული აქვს მოპოვებული პრობლემა არ გააჩნია.. დიახ, ყველა ტაქტიკურ მონახაზებზე საუბრობს, მაგრამ ფეხბურთი უფრო მეტია ვიდრე ეს სქემები.. ახალგაზრდა სპეციალისტებმა ეს ყოველივე კარგად უნდა გაითავისონ.. ერთია თეორია და მეორეა პრაქტიკა.. რეალურად საქმე სულ სხვაგვარად დგას..”