გატუზომ იგუაინის შესაძლო ყიდვაზე კომენტარი გააკეთა
“მილანის” მთავარმა მწვრთნელმა ჯენარო გატუზომ გონსალო იგუაინის მის გუნდში შესაძლო გადასვლაზე კომენტარი გააკეთა.
“ამ ტრანსფერთან დაკავშირებით მე ვერაფერს გეტყვით. კლუბს ჰყავს დირექტორები, რომლებიც ფეხბურთელების შეძენაზე მუშაობენ.
ზოგადად კი იგუაინი კარგი ფეხბურთელია, გოლის გამტანი. თუ ჩვენთან მოვა, ძალიან გახარებული ვიქნები”, – ამბობს გატუზო.
ჯერჯერობით, იგუაინი კვლავ “იუვენტუსთან” ერთადაა, თუმცა დიდია ალბათობა, რომ ის მალე “მილანში” ვიხილოთ.
