დელ პიერო ალეგრიზე, გუნდზე, რონალდუზე და დიბალაზე

სიტუაციიდან გამომდინარე ალესანდრო შანს არ უშვებს ხელიდან, რომ საკუთარი მოსაზრება არ გაანდოს ჟურნალისტებს იუვეში მიმდინარე პროცესებზე:

“იუნაიტედთან მარცხი იყო კონტექსტიდან ამოვარდნილი და ალეგრის კრიტიკა უსაფუძვლოა.. მაქსმა გუნდში საოცარი სამუშაო გასწია და თუ გადავხედავთ გასულ სეზონებს, ნათლად დავინახავთ, რომ გუნდი ფორმის პიკში მარტისთვის შევა..

არის თუ არა ეს ის სეზონი, როდესაც იუვე ჩემპიონთა ლიგის თასს მოიპოვებს, ვფიქრობ რთული კითხვაა და პასუხის გაცემა სისულელე იქნება.. ლიგა სპეციფიური გათამაშებაა.. შენ შეიძლება ფინალამდე საოცარი გზა გაიარო, ხოლო შემდეგ ერთმა წუთმა ისეთი მომაკვდინებელი დარტყმა მოგაყენოს, რომ დაბრუნება ვეღარ შეძლო.

თამამად შემიძლია ვთქვა, რომ ამ გუნდს ძალუძს საოცარი გზის გავლა და ფინალურ მატჩშიც სათანადო დონეზე დგომა.. ეს უკვე დიდი წარმატებაა, რომელიც ხელმძღვანელობასთან ერთად ალეგრისაც ეკუთვნის.. ბორდმა დიდი სამუშაო გასწია, რადგან ახლა იუვეს ყველა ფრონტზე თანაბრად წარმატებით შეუძლია ასპარეზობა, რადგან ერთ პოზიციაზე არა ორი, არამედ რიგ შემთხვევებში სამი მაღალი დონის შემსრულებელიც კი ჰყავს..

რონალდუს ფაქტორმა ყველაზე მნიშვნელოვანი რაც იუვეს შესძინა იყო რწმენა საკუთარ თავში.. დიახ, იგი არც აქამდე აკლდა, მაგრამ შეხედეთ როდესაც იგი მინდორზეა როგორ ასპარეზობენ თანაგუნდელები.. ისინი მოტივირებულები არიან და ცდილობენ პორტუგალიელს არაფერში ჩამორჩნენ.. ამას უფრო მეტად ის იგრძნობს ვისაც ფეხბურთი ერთხელ მაინც აქვს ნათამაშები..

დიბალას სიტყვები ჩემი მისამართით? დიახ, მოვისმინე! პაულო ფენომენალური შესაძლობლობის მქონე ფეხბურთელია.. მას აუცილებლად შევხვდები, გულითად მადლობას გადავუხდი და არ არის გამორიცხული სტანდარტულ სიტუაციებზეც ვიმუშაოთ..”