ნედვედი სპინაცოლა-დარმიანის თემაზე საუბრობს

პაველ ნედვედმა იუვეს სატრანსფერო თემებზე ისაუბრა:

“პირდაპირ გეტყვით, რომ იანვარში რაიმე სერიოზული ცვლილებების შეტანას არ ვგეგმავთ. ჩვენ კმაყოფილი ვართ არსებული შემადგენლობით და მათი ასპარეზობით. გუნდი კარგად მიიწევს დასახული მიზნისკენ და ამ დროს პროცესებში ჩარევამ შესაძლოა უარყოფითი რეაქცია გამოიწვიოს.

დარმიანის და სპინაცოლას თემაზე თავადაც წავიკითხე, მაგრამ ვერ გეტყვით ამ ინფორმაციის წყარო საიდან მოდის. ჩვენი მიზანია ფეხბურთელი რომელიც გუნდის ღირსებას იცავს, მაქსიმალურად კომფორტულ გარემოში ვამყოფოთ.

შემიძლია გითხრათ, რომ სპინაცოლა ტურინში დარჩება.. ჩვენ მისი ასპარეზობით და ფორმით კმაყოფილები ვართ.. დარმიანი ასევე კარგი ფეხბურთელია რომელიც მანჩესტერ იუნაიტედის წევრია და ამით ყველაფერი დასრულდა.”