ფეხბურთელების შეფასებები

გთავაზობთ მატჩისშემდგომ შეფასებებს:

შესნი – 6 – ლუკიჩის მომენტზე ვერაფერს იღონებდა, ხოლო დანარჩენ შემთხვევებში ყურადღებით მოქმედებს.

კანსელუ – 5 – პიანიჩზე აუტიდან ბურთის შეყვანა ცალკე ისტორიაა და იქ უფრო ბოსნიელის ბრალეულობაა, თუმცა თავად 1-1 ზე თამაშის დროს უშვებს უამრავ შეცდომას.. და მისი ჩაწოდებები კიდევ სხვა ისტორია.. არცერთხელ არ მივიდა ადრესატამდე..

ბონუჩი – 6 – ბელოტი ორჯერ გაცდა და.. პრინციპში ამით შემოიფარგლება მისი შეცდომები.. სხვა მხრივ კარგად მოქმედებს.

კიელინი – 6.5 – კაპიტანი როგორც ყოველვის მოწოდების სიმაღლეზეა.. აჩერებს ყველას და ყველაფერს.

სპინაცოლა – 6.5 – მთელი მატჩის განმავლობაში რეაქტიულივით მოქმედებდა მარცხენა ფლანგზე და მუდმივად ამყოფებდა მეტოქეს დაძაბულობაში.. იჭერდა მაღალ ტემპს და მუდმივად თავაზობდა პარტნიორებს შეტევის განვითარებას. ცდებოდა იმიტომ რომ სურდა უფრო მეტი გაეკეთებინა.. სწორედ მის გადაცემას მოყვა კრიშტიანოს გოლი.

კუადრადო – 5 – მისი მოქმედებების ახსნა სიმართლე ითქვას რთულია.. შეცდომები და პოზიციის ხშირი დაკარგვა.

პიანიჩი – 5 – საკმაოდ დაბნეული გამოიყურებოდა.. აჩუქა ტოროს გოლი რომელიც რონალდუ რომ არა გამარჯვებას მოუტანდა ხარებს.

მატუიდი – 6 – პირველ 45 წუთში თანაგუნდელებიდან ალბათ ყველაზე კონცენტრირებული და სახიფათო.. მეორე ნახევარში შედარებით მოეშვა, მაგრამ მისი წვლილი არასდროს არ უნდა დავივიწყოთ.

ბერნარდესკი – 5.5 – ბევრ შეცდომას უშვებს, თუმცა ცდილობს პარტნიორებს დახმარების ხელი გაუწოდოს. მატჩის ბოლოს გადაღლილობამ იძალა და ცოტაოდენ ნერვოზული ხდება, რის გამოც იღებს ყვითელ ბარათს და ტოვებს მინდორს.

რონალდუ – 7 – აი ვინც არ ნებდება და ინარჩუნებს ცივსისხლიანობას სწორედ კრიშტიანოა.. ცდილობს პარტნიორების გამოფხიზლებას და შეტევაში წაყვანას.. იმდენად არ უყვარს მარცხი, რომ ამ ენერგიას პარტნიორებსაც სდებს.. იტანს ეფექტურ გოლს და განაგრძობს ბრძოლას ბომბარდირობისთვის

კინი – 6 – პერიოდული აფეთქებებით.. ტოროს მცველებმა მშვიდი საღამო არ მოუწყეს, მაგრამ მოიზე არ ნებდებოდა და თავის შანს ბოლო წუთამდე ეძებდა.