მაქს ალეგრის წინასამატჩო პრესკონფერენცია

მაქს ალეგრის ბოლო წინასამატჩო პრეს-კონფერენცია იუვენტუსის მთავარი მწვრთნელის რანგში

“ვოიცეხ შესნის მუხლის არეში აქვს პრობლემა და ზაფხულში ოპერაციას გაიკეთებს. თუმცა, ამ შეხვედრისთვის იგი მზად არის.

კრიშტიანო რონალდუ გენუაში გუნდთთან ერთად არ გაემგზავრება, რადგან პორტუგალიელს დასვენება ესაჭიროება, მას წინ სანაკრებო მატჩები ელის.

ბლეზ მატუიდი და ფედერიკო ბერნარდესკი დისკვალიფიცირებულები არიან.

მარიო მანჯუკიჩს კი საკუთარი თავის გალამაზება სურდა და ამიტომაც ცხვირზე პლასტიკური ოპერაცია გაიკეთა.

იმ შემთხვევაში თუ ლეონარდო სპინაცოლა გამოჯანმრთელებას მოასწრებს, მაშინ მატჩში მონაწილეობას აუცილებლად მიიღებს.. წინააღმდეგ შემთხვევაში პერეირას ვიხილავთ.

ვალდებულები ვართ სეზონი მაჟორულ ნოტაზე დავასრულოთ.. ჯამპაოლოს მიმართ კი აპლოდისმენტებს არ დავიშურებ, რადგან მისმა გუნდმა წელს კარგი სამუშაო გაწია.

თამაშის მერე ყველას შეგვეძლება სანაპიროზე წასვლა.. რჩევა მომცეს რომ ახლა მზისგან დასაცავად თავზე სპეციალური მაზი წამესვა.. ამის შემდგომ დავლევთ კიდევაც!”

მთავარი მწვრთნელის განცხადებით შემადგენლობა სამპასთან ასე იქნება:

პინსოლიო, კასერესი, რუგანი, კიელინი, დე შილიო, კუადრადო, ჯანი, ბენტანკური, პერეირა, დიბალა, კინი