ფეხბურთელების შეფასებები

ანდრეა პირლოს დებიუტი ჩემპიონთა ლიგაზე წარმატებით შედგა. იუვენტუსმა ალვარო მორატას დუბლით სტუმრად კიევის დინამო დაამარცხა და სამი ქულა გაიფორმა.

გთავაზობთ ფეხბურთელების შეფასებებს, რომელიც La Stampa -მ გამოაქვეყნა:

შესნი – 6.5 – ბევრი საქმე არ ქონია, თუმცა ყურადღებით მოქმედებდა და რაც მთავარია გამოსვლებზე უშეცდომო იყო.

დანილო – 6 – სამ მცველიანი სქემა რომელიც ოთხ მცველიანში იცვლებოდა სიტუაციიდან გამომდინარე. იგი ყურადღებით მოქმედებდა, მაგრამ კიელინის მოედნიდან გასვლის შემდეგ, უფრო მეტად დაცვაზე იყო ორიენტირებული.

ბონუჩი – 6 – ახლა მას უფრო მეტი პასუხისმგებლობის აღება მოუწევს. კარგად ხელმძღვანელობდა გუნდს უკანა ხაზიდან.

კიელინი – 6 – ჩვეული საბრძოლო სულისკვეთება და მოედნის დატოვებამდე უშეცდომო იყო.

დემირალი – 6 – 19 წუთიდან – სურს დაამტკიცოს ტრავმის შემდეგ, რომ ჩვეულ ფორმაში იმყოფება. ჩვეული ცივსისხლიანობით მეტოქეს გასაქანს არ აძლევს.

კუადრადო – 6.5 – მნიშვნელოვანი საღამო.. იწყებს როგორც მარჯვენა ფლანგზე უფრო შემტევ ფორმაციაში მყოფი, მაგრამ კიელინის ტრავმიდან გამომდინარე ქვემოთ უწევს ყოფნა და ზონების დაკეტვა. მეორე ტაიმის მიწურულს აკეთებს გამოზომილ საგოლე გადაცემას მორატაზე.

ბენტანკური – 6 – მისთვისაც რთული საღამო გამოდგა. იწყებს ნერვიულად, მაგრამ რაც დრო გადიოდა უფრო და უფრო აკონტროლებდა მატჩის სადავეებს. პირლოს მისი სახით ცენტრში, წესით საიმედო კადრი უნდა ყავდეს.

არტური – 6 – 79 წუთიდან – ეცადა იუვენტუსის შუახაზში თამაშის დამშვიდებას, რაც პერიოდულად გამოსდიოდა კიდევაც.

რაბიო – 6 – არ იყო ჩვეულად აგრესიული.. მცირეოდენი შეცდომებიც ქონდა, მაგრამ საერთო ჯამში საკუთარი წვლილი შეიტანა ამ წარმატებაში.

კიეზა – 7 – კროტონესთან წითელი ბარათი უკვე წარსულს ჩაბარდა. მისი დებიუტი ლიგაზე წარმატებული გამოდგა! შეიძლება თამამად ვთქვათ რომ საკუთარ ფლანგზე ცეცხლი დაანთო და მეტოქეს სისხლი გაუშრო. მის აქტიურობას მოყვა პირველი ბურთი.

რემზი – 7.5 – იმ შემთხვევაში თუ კი უელსელი ტრავმის გარეშე გააგრძელებს და მაშინ იუვენტუსი მისი სახით ხარისხს მეტად აიმაღლებს. ჭკვიანური სვლები ზონებს შორის და იდეალური გადაცემა ქუსლით კულუსევსკიზე.

ბერნარდესკი – 6 – 79 წუთიდან – მატჩის მიწურულს როდესაც კიევმა ზეწოლა გაზარდა, თანაგუნდელებს დაცვით ასპექტში აქტიურად ეხმარებოდა.

მორატა – 8 – რონალდუს არყოფნაში გუნდის ლიდერობა წინა ხაზში საკუთარ თავზე აიღო და მიზანს პროდუქტიულად მიუყვება. ორი გოლი და მუდამ სახიფათო.

კულუსევსკი – 6 – ცდილობდა პირველსავე წამებიდან სახიფათო ყოფილიყო, თუმცა შეუძლებელია მარტომ ყველა და ყველაფერი მოიტოვო უკან. პირველ გოლში მასაც დიდი წვლილი მიუძღვის.

დიბალა – 5.5 – 55 წუთიდან – შორს არის იდეალური ფორმისგან, თუმცა დიბალას ხარისხის შექმნა ყოველთვის შეუძლია.

პირლო – 7 – გასულ მატჩთან შედარებით ეს იყო კარგი დაპირისპირება, სადაც გუნდმა აჩვენა ხასიათი და გამოიყურებოდა საიმედოდ.