ანდრეა პირლოს წინასამატჩო პრესკონფერენცია

ხვალ ჩვენი დროით 0:00 -ზე ერთმანეთს იუვენტუსი და კიევის დინამო დაუპირისპირდებიან.

გთავაზობთ ტრადიციულ წინასამატჩო პრესკონფერენციას, რომლის განმავლობაშიაც ანდრეა პირლოს სხვადასხვა საკითხზე მოუხდა პასუხის გაცემა:

“არ მიმაჩნია რომ ბენევენტოსთან შეხვედრის შემდეგ რაიმე გადაჭარბებული ვთქვი. ბიჭებს ვუთხარი, რომ გამარჯვებისთვის მეტი ნებისყოფა უნდა გამოიჩინონ, წინააღმდეგ შემთხვევაში სტაბილურობასთან სულ პრობლემები გვექნება.

საერთო ჯამში მე მჯერა მათი და მჯერა, რომ ბოლომდე გამომყვებიან. ეს არის ახალი გუნდი, ახალი მწვრთნელით და ახალი საფეხბურთო ხედვით, რომელსაც წინ უძღვოდა პატარა მოსამზადებელი პერიოდი..

მათ უნდა იგრძნონ ერთმანეთი მოედანზე.. უნდა შეისწავლონ გადაადგილება უკეთესად და მერე ყველაფერი კარგად იქნება.

რიგ მატჩებში მეტ ცივსისხლიანობას ველი. შედეგი უნდა იყოს სტაბილური.. ცუდია, როცა იმსახურებ გამარჯვებას და ვერ აღწევ.. მაგრამ ეს არის მაგალითი თუ როგორ უნდა მივუდგეთ ამა თუ იმ შეხვედრას.. 

პაულო დიბალა რომ უფრო მეტად მიუახლოვდეს საჯარიმოს? სრულებით ბუნებრივია, როდესაც მსგავსი მახასიათებლების მქონე ფეხბურთელი სიღრმეში იწევა.. მაგრამ ის აქ არ უნდა დაიკარგოს.. მუდამ ერთი და იმავეს ვეუბნები, რომ კონკრეტულ ზონებში იასპარეზოს..

საქმე იმაშია, რომ სიღრმეში უფრო მეტ სირთულეს განიცდის.. მეტი ბრძოლა უწევს და შედეგად ენერგიასაც მეტს ხარჯავს.. ამიტომაც მიმაჩნია, რომ კიევთან სასტარტოში ალვარო მორატა იქნება, ხოლო არგენტინელი ტურინული დერბისთვის მოემზადება.

დეიან კულუსევსკი ისევე როგორც სხვა ახალგაზრდა ფეხბურთელები, განსაკუთრებულ პერიოდს გადიან.. ამ პერიოდში ბუნებრივია აღმასვლა და დაღმასვლა.. ეს გზა ყველამ გაიარა და მინდა გითხრათ, რომ მათი ასპარეზობით კმაყოფილი ვარ.

დეიანის პოზიცია არც მომავალში შეიცვლება.. იგი შემტევი ნახევარმცველია და ამ როლში გააგრძელებს თამაშს.”